珠記
那天去完濕平，走去開源道間珠記食個麵先。
21.5.17
白松石．Howlite
之前觀塘璽爾出福袋，HK$111一份。見圖片中有白松手鏈，一直想買白松手鏈的我當然心心眼啦。講畀老闆知，老闆話可惜手頭的白松石珠唔夠串成一條〔福袋係拼硨磲和瑪瑙〕，不過一心想知自己在抽獎的情況下會 draw 到什麼石，二來我想買一條全白松石的手鏈囉。所以少少犯規都唔想啦。
於是遂向老闆訂購一條全白松石的手鏈。
見圖就知好東西已到我手啦，才一個星期，老闆就返貨，而且，佢還幫我揀紋理多的珠子。真係充滿愛啊。
好靚！
20.5.17
認識礦物班
和同事報了璽爾認識天然水晶的興趣班，約好了放工時間即趕過去啦。可是當日同事的會議延誤，已到店的我只好一個人上啦。
因材施教，超過九十分鐘的堂我一邊聽一邊問，老闆都問〔略知水晶的〕我想知什麼而就住來講。哈哈，這不是教粉晶催人緣，髮晶催財喎，而係教瑪瑙在全世界有二千多種，髮晶有幾多種，當中的髮〔內含物〕其實是什麼礦物咁咁。鐘乳石跟什麼是同類別的石啦…
課後，得到一袋礦物，堅啦，加上老闆通水〔因為無諗過有〕，我知道下列圖中的每一顆礦石的名字。連 Seer Stone, Yellow Opal, Kunzite，紅綠寶… 有。太驚喜喇。
Thank you。
鐵隕石．Tektite
那位水晶導師揀完這對鐵隕石之後就叫我背著佢坐好，再把這兩枚東西放到我屁股附近，我係感到有股氣攻上膊。於是佢要我買這一對石，叫我多用它來清 karma 。當然，事前要 set 好個陣保護自己，否則好易被「野」搞。
佢問我識唔識起陣，我都驚我所謂識起的陣〔結界〕唔夠強力。如果有野搞點收科。
佢反反白眼。
這對石，HK$50有找。
暫且擺在房中啦。
19.5.17
18.5.17
17.5.17
泡茶工作坊 X 香
早前上了一個關於台灣茶種的泡茶班，學泡茶同品茶。這天共有8個人來workshop，加埋主持人有9位。看來好熱鬧。在自己介紹時，我說我會好吵好多話講啦。〔的確如此〕
圖中有隻手捏著的是「國際標準評鑑杯」，組件還有一隻白瓷碗。這是參加國際專業比賽時指定茶具，大家工具一樣，就能見真章啦。在 workshop 後我都買這一隻杯。哈哈，其實用只杯斟茶，都好有技巧咖，掌握得唔好，會倒到一檯都係茶。
真係雞手鴨腳。挑戰啊。
呢隻叫金萱茶，又叫台茶12號。味道哩，覺得比較甘。或許我本來就不太飲烏龍茶吧。
原葉散開，可聞其味如何。這茶，泡多幾回味道也不同。
由於係晚上的課，工作室窩心地準備了輕食。當然不可太濃味，否則嚐不到茶的真味了。
這是鹿谷凍頂紅美人。
至於品香的部份，之前的 post 都有講過，不贅喇。
workshop 完了每人可取兩份茶，我就揀了喜歡的紅美人，加一盒珠露。係呀，之後把兩份茶轉贈喜歡泡茶的阿花試。
延伸：
這品牌是一位香港女生跟台灣的茶商合作搞啦，支持下啊！
facebook page : 茶粹
16.5.17
15.5.17
Auratite 23．極光23
呢包23係老師叫老闆不知從那裡拎出來再叫我買返屋企做枕墊用。 盛惠HK$320。
趁星期日朝屋企無人才去處理這包水晶碎石，哈哈。搵到個洗 bra 用的袋裝著成 1kg 的石，再用水沖呀沖，之後平攤在乾布上用風扇搧乾。無枕袋，只好用個布袋裝住。
以前食完藥睡覺，總是多惡夢。這次枕著這包石，睡得很沉也沒有發惡夢。
14.5.17
透石膏．Selenite
哈哈哈。一直想買佢但間房無位放，於是次次去店都要摸下才安樂的透石膏，因為那晚水晶塞落我手即場教我通七輪，還叮囑我日日都要用它處理七輪的問題，所以就把它帶回家了。
說起來挺怪相啦，老師真係即場在店子裡教我用這支透石膏在自己七輪度打圈淨化。佢話此舉會把負物質〔我唔記得佢當時用咩字眼〕拉出來，所以著我到店外處理。我當然不肯啦，一陣被人見拍低擺上網就真係樣衰喇。幸好老闆娘都畀我在店裡搞，咁我就略略處理啦。弄髒人家的礦物就不好了。嗱，咁就證明所有礦石買回家後一定要淨化消磁，因為唔知有多少人如我借過來用或沾了不好的氣息。哈哈。
這支透石膏係老師揀畀我啦，所以都買了。唔貴，百幾元咋。
13.5.17
12.5.17
雲線爪鑲
之前買的閃靈鑽個 Claw Setting 太雞，戴不夠幾次就整粒石甩了出來，幸好一次留在口袋另一次跌在檯面咋。遂搵珠寶業界的朋友K幫忙〔上次帶我上紅寶石堂那位〕，鑲返隻似樣的戒指托啦。至於款式，簡單實淨就得，其他由K或鑲嵌師傅拍板。內行人的專業意見和多年經驗總好過我天馬行空不切實際啦。
哈哈，見到相片一刻已十分雀躍！果然係專業，連相片都可拍得如此可口誘人。K說， claw setting 加了雲托，是啊，望上去無咁單調無咁悶，而且，咁樣鑲嵌〔包裝〕令粒石提高了價值。是不是？
不過我笑，呢次連工包料共HK$800的鑲嵌費貴過粒石一至兩個 double…哈哈哈。無計，師傅係鑲開珠寶店的高價貨呀。畀他們整一整，本來係「煮飯仔 style 」的戒指變成高檔貨喇。哈哈哈。
或者，下次搵粒好靚的犘根，好靚的丹泉，或好RAW的鑽石原石再鑲吧。
對我來講，配戴原石，係一件型到裂的事啦。
K把戒指拍得如此靚，當然用返佢拍的圖片啦。我有問過佢點樣拍到隻戒指懸空一樣咖，當然佢有講用什麼工具去拍成。不過，應該唔會仿傚玩呢個喇，畢竟我無乜鑲石的戒指嘛。呵呵。
Thank K。
黃方解．Yellow Calcite
話說那天我在店遇到個水晶治療導師，佢見我塞哂，即時執了一堆合我用又一定要用的石給我，圖中的黃方解石就是其中一枚。因為我太陽神經叢係塞得最厲害。〔不是佢一個講啦，之前上堂都講過我有呢個問題〕。
老師即場用黃方解砌陣，又啟動枚石，後再塞到我手叫我攬住枚石啦。哈哈。無理由唔帶枚石回家啊。
11.5.17
Bronze Rutilated ．銅髮晶
睇中兩粒銅髮吊咀，問價。老闆問我 first chice 係邊粒， second choice 又係邊粒。然後，從袋子裡掏出來後，就秘密地講我知佢可以以一個優惠價賣給我，不過那個價先決係條件係「合併購買」。望住計數機那個銀碼，絕對係驚喜價啦，於是拍板成交，帶了這一對髮仔走。
至於價位係幾多，基於老闆真係豪畀我，叫我不要說，所以係秘密囉。呵呵。
這一枚本來係 second choice ，髮絲既密又亂，不過色水真係好銅，所以係我的第二選擇。
下圖是我的第一選擇。髮絲相對較少較粗，色也較淺，而且表面也有礦缺。不過，真的一眼就看中這個。
有一個角度看似有個天然的十字架在裡面。
哈哈哈。。雖然兩枚髮仔都唔係順髮，不過，愛凌亂感的我真的喜歡啊。
好啦，金髮，銀髮和銅髮都有喇。早前放假，我特別戴哂三髮出街街，哈哈哈，落樓離大廈不夠兩分鐘就中了雀屎，珠頸斑鳩咁對我呀。用手摸頭，一手掌都係綠的白的雀屎，由於睇唔到背囊或白 tee 有無中彈，加上當時係早上，我要出成日街，只好折返家中檢查兼洗頭消毒囉。
我講呢單屎事畀朋友知，都笑屎啦。未中六合彩先中雀屎頭獎。果然好強。哈哈哈。
瀛 素
那天去某水晶店幫朋友補購幾款碎石，跟老闆夫婦吹緊水的時候，有個我新認識的人推門入來。我「咦！」啦。對方是我在灣仔礦物展識，我在佢檔口買了幾款治療用的石啦，哈哈，估不到佢都去同一間店尋石。佢推門前在店外望，說認得我的臉，可是不記得在哪裡識我。哈哈。
她是一個熱心又熱情的導師〔有教水晶治療〕，於是我同佢之後一起去食晚飯。這是剩下的菜餚我帶回家翌晚吃時拍的。當時難為情，唔敢拍照，專心聽教。
是一件好奇妙的偶遇。
也是當日第二件特別的事。
佢在水晶店即場做了很多事，容後再分享。哈哈。
訂閱：
文章 (Atom)
