京都2024。拝観。御朱印4
Part 4：
真正極樂寺，金戒光明寺
🙏
11.11.24
京都2024。拝観。御朱印1
太多相要執，御朱印在工作室靈氣符上拍。就這樣獨一無二。
先來 part 1。至於次序上因為有些寺院只提供已寫好的御朱印，所以回來再貼就把日子次序自由發揮。
有些望完都唔記得是哪所寺院 get，要逐一從照片庫中對日子地點。哈哈。
金剛峯寺
待續。
蘇淅匯
話說上回出境行李寄艙排了好耐，事隔數月，安排唔同咗，check in 不用排，行李寄艙又不用排，出境過海關都好快。時間多了很多，就搵個地方好好吃頓暖胃早餐。
今次時間超級充裕，食店又唔滿人，所以都開埋機寫文。哈哈哈。
盛惠百四多點。
一個人，至少坐得舒服輕鬆，又不用捧住份早餐又孭住一袋二袋在 food court 搵位。爽。
10.11.24
記。1010。養氣血先不要內耗
旅程回來後發生了一件十分激心的事。話說我回漁港當日下午，老人在家做清潔，竟然用馬桶旁的棉線地拖抹餐檯。知道後當然反白，無視衛生常識都唔係咁丫！我睇片屌出聲。回去後就用火酒把檯面消毒。因為唔想有第二三四次，就跟老人講個地拖一直放在馬桶旁，即使落了消毒都留好多菌，檯面放食物用品，唔可以用地拖抹檯。佢理由係地拖有漂白水，所以抹埋檯。我話漂白水抹檯清唔乾淨沾到食物食了都會有事。佢堅持自己佢坐檯邊一天都無事。覺得被挑釁，老羞成怒，反鬧我們幾姊弟一見面就講人壞話，還不停用鏡頭監視佢，佢發惡話遲早掉了個鏡頭。
我同佢講衛生，佢就覺我小題大做。我要講的重點係衛生問題，話佢去到酒樓見餐具不乾淨都會出聲啦。佢就諗住講對唔住打發我。我入返正題再強調衛生重要性，佢就發老脾繼續責難我們用鏡頭監視佢找碴挑佢錯處。
沒有人故意羞辱佢，知不知道呢個世界真的沒有幾多人有這麼惡趣味日日去睇一個老人的 live。
把自己活得如百年前周樟壽筆下的民。都不知自己可憐。
我真係無話可說。
其實好想坦白講，我無興趣睇佢做乜，以往我電話係無佢聯絡電話，係另一位老人年初走了才加佢電話方便急事聯絡。迄今自己電話都不存不留有有佢個樣的相片。佢真係睇得自己在仔女心中地位太高。
就呢件事，我跟細佬妹講，唔好再提。我亦決定早出晚歸，幾攰都要早過佢出門口，晚上再夜點回去。唔理唔過問。我只想自己好過自己日子。
熄了鏡頭，乜都唔好望。
💆
2024#36。《當墨光閃耀》
回漁港旋即投入書海。看了三浦紫苑的《當墨光閃耀》。又是一本笑中帶淚的故事。在車上看，不能大笑，只可烈烈地顫抖著肩膀，又試過鼻酸要閤上書怕決堤。這是一個平常又好暖又充滿愛的故事。
（含內容）
老式飯店接了多年恩客的告別會工作，家屬在繕寫師名錄中揀了一位筆觸端正清澈透的繕寫師為告別會寫邀請函。因資料不齊，員工續力唯有親身去世田谷的書法教室尋訪及拜訪這位通訊錄中只有電子郵件的書法家遠田薰。其父遠田康春也是飯店的繕寫師，不過已過世，續力也被拜託到遠田家上香。
應門是個三十多歲非常英俊壯健的男人，竟是遠田薰。因為飯店的委託及奇怪的代筆工作，迷糊又善良的續力漸漸被遠田的奇怪行為和奇怪的反應，還有美食改變，由抗拒變接納，生起友誼出來。
這個書法老師的課，一班小學生們都非常可愛，而且，遠田對孩子們書法功課的評價都得自由自在。好開心的課。
故事好看。心癢了啦，有無時間拎返封塵的文房四寶出來書寫一下？
📖
Top Blade Steak Lab
某夜，走轉了老銅吃個久違的豬鞍架。
滿足。
好像回漁港後常找肉吃。😑
訂閱：
文章 (Atom)
