mamaday
和朋友搵地方吹水，去了油麻地的mamaday。正。
好熱呀街出面…
9.8.21
2021#9．《只有你聽到 Calling You》
08/05/2021
儘管是廿年前的作品，可是好故事真的不因時間流轉而變得乏味。沒有時間感，好暖好窩心，連後記都好好看的書。
這天帶著它到髮廊整頭，睇到笑出聲。
乙一寫毒男宅女真的有一手。哈哈。
我都毒。所以睇得好開心。
8.8.21
6.8.21
5.8.21
傷膝中年在偽池畔感受夏日之熱氣
想拍美麗的紙皮石磚仔地…效果出奇地好有夏天泳池畔的感覺。當然，是騙圖啦，騙圖！係我把相片調到好鮮明好光猛至放上來啦。
位處舊樓跌打館外等緊升降機，無窗又無風，熱到 hihi 。
4.8.21
3.8.21
2.8.21
2021JUL．加買書4本
因為昨日同朋友突然見到面，書也可交到手，加上星期六那天上了書店又忍唔到手買了幾本走，所以整多一個 post 分享先。
請朋友在書展入的是這本《美麗新世界》。記得我有一本台灣出版社的譯本，既然重新再譯再出，就買啦。
乙一的新作《白井小姐》。新到這獨步文化發行的版本是七月才上架。非常新鮮。我放到谷度分享，已有同好表示有興趣入實體書喇。
買埋都係七月發行的2003年舊作《ZOO》。封面好靚。獨步文化出版的書，大部份封面設計都好觸動到我啦。
好。努力。
六字大明咒頸鏈
老闆C一放圖上網已鎖定要買，正好用緊的三圈螺旋銀頸鏈甩圈〔早年在佐敦道買的〕，整條是數百個無焊密口的 jump rings，都唔知再甩幾多，決定唔修復，買過一條仲化算啦。
這個每一圈都壓上六字大明咒的頸鏈，適時上架。買都買得無咁 guilty 。哈哈。而且，襯埋之前買的同款手鏈，正正。次石墨的吊咀圈也得老闆幫忙執過改圈口，才穿得入條鏈度，感謝。
有無發覺，近呢一年，戴飾物的人身上飾物不論男女都越戴越粗？所以，我都試一試戴粗少少！
哈哈。
因為我同一時間買了另外兩樣銀器，所以呢條鏈幾多錢〔廿吋內最短的九百九，我呢條廿二吋〕，想想我真係無問老闆。難得買到心頭好嘛。
況且，比起今期劍神所戴的美國潮牌銀器〔有條鏈差不多款式〕，這個真是抵玩啦！
利申一下，呢條鏈在上月頭買的。不過無貨，待到兩星期前才到手。
Link : 銀革手作
大澳德發
約了人到北角交收，坐的巴士總站在天后，反正有時間，咁沿著街向北角方向行，順帶搵食。於是，來到了新開的大澳德發。
當然是黃店啦。
嗌了個「師奶淫得很」…哈哈，如果有睇過星爺早期的戲，就知呢個笑位。
夠鑊氣，正。
MENU 靚到一個點…我想不少會「相機食先」的食客會跟這餐蜂拍照。哈哈。
1.8.21
不動尊銀器
銀革手作有經銷日本名牌銀器，如 Oriental Vibrations 。好多好東西，不過無可能樣樣買啦，除非我個個月搵二三十個。哈哈。對銀器的愛真是多多益善哩！
今次又買到好東西，就是圖中這一尊不動明王立像吊咀。買的時候老闆話好好賣，得返一個咋。好彩。
非常生動的表情，背有猛火火焰，手持三鈷劍〔俱利伽羅劍〕，羂索，非常威武！
還未配上合適的頸鏈襯，好啦，又諗諗先。
銀革手作官方網頁：
日月堂
食晏，想試下其他黃店。遂開睇地圖 look look ，見到工廈上樓有間名叫「日月堂」的台式料理店，於是來了。不過呢間好爆場，去到已見人在等位了。三十幾度天氣來到不想空手回去，咁，買了一份外賣便當啦。
這是鹽酥雞魯肉飯便當。好味。
跟餐飲了凍冬瓜茶，不過唔夠凍…唔知堂食會不會有冰粒鎮住好些。〔如果有冰粒的話〕
2021Jul. 買書七本
莫明奇妙，呢個月買了七本書。
有：
水木茂的《遠野物語》。是日本的妖怪傳說。
Yoasobi 小說集《向明日奔去》，因為特別喜歡這個封面，所以揀了。亦很喜歡這封面的那對男女生的故事。事實我都係見書才去聽 Yoasobi 的歌。
呢本《秘法卡巴拉》是朋友們都推介的書。那天在旺角樂文書店見到，加上身痕想花錢，就買。
坂本龍一的《音樂使人自由》。之前在書店打書釘揭過好喜歡，不過那天之後有野要拎加上無折就無入到。一直有計劃要買。那天在北角森記見到，即入。
果然，本書好好睇。睇完再講。
在網上書店見到這本新書《獨裁者的廚師》已想買，在北角森記見到。入。
李怡的散文集《見微之著》。
在書店見到這本市井點線的《颱風家族》就忍唔住買。電影無睇，不過小說的張力很大。已睇完，再另外分享。
其實，有一本書拜託了朋友在書展幫我入《動物農莊》，不過未見到朋友未到手，不計在這裡了。當然，趕及在書展出的書又想買的豈止一本。堂主的那本都未到手丫。
七月有睇完兩整本書咖，要再努力。
訂閱：
文章 (Atom)
