訂的鬆弛熊到貨了
之前訂了的鬆弛熊拖鞋，等了兩個月，終於到貨了。
到店取貨，順手買了塊滑鼠墊和信紙…還有一樣，未拍照。哈哈。
因為好可愛呀，是仙台限定的伊達政宗版…
信紙都玩咁大，活版印刷…不過隻 baby blue 堅係好靚。店有兩款，我入住一份先。
等了很久的拖鞋，好好著呀，仲好快乾。下次都係買返呢款拖鞋先。
隻粉藍係咪好夏天哩！正正。
好可愛，我著住都覺得自己成個人 young 哂。哈哈。
9.7.20
信紙都玩咁大，活版印刷…不過隻 baby blue 堅係好靚。店有兩款，我入住一份先。
等了很久的拖鞋，好好著呀，仲好快乾。下次都係買返呢款拖鞋先。
隻粉藍係咪好夏天哩！正正。
好可愛，我著住都覺得自己成個人 young 哂。哈哈。
8.7.20
又買筆
在 IG 度見到有一瓶滿 Sheen 的店家特約自調橙色墨，心喜，於是留言問這個節日 box set 仲有無貨。店家應機話有，所以趁呢日下午聚會取消，就來了中環的店入貨。HK$399 咋。其實其餘四色都好靚，但 all in 又真係自覺過份，所以都係入返最初心儀的色。
手是忍唔到，買了一瓶黃色系的大黑天。
也入了一樽紅色系的山葡萄。
在店裡有試過這筆，真係好好寫才買啦。其實年前在同店都有買墨堤，皆是同一門出品。墨堤是一支讓我寫得愜意的筆，人狀態差依然寫到「不走樣」的字，趣。所以想買長桿筆好耐好耐。
因為瑣事甚多，希望快點開壇用筆啦。
7.7.20
新墨加新筆
星期六和谷加飯局，約在灣集合，順帶買新出我又嗌哂要「all in」的三款墨。是藍濃道具屋出的西瓜，火金菇和太平洋夏日三色。
於是，飯局後回家，畫幾片西瓜消暑！
翌日畫雪條。哈哈。
Vi 幫我在台灣訂回來的兩支玻璃筆也寄到，這晚可以好好好好的玩個夠！西瓜雪條圖就是用平和萬年筆畫的。
墨哩。本來去買三樽，結果埋單時共七樽。加了同品牌的文旦和霧淞。
還有 Faber-Castell 的 Olive 和 Mont Blanc 的 Red Fox。
橄欖色是我買墨開始一直都在找心水的，因為不少係偏沉偏深，所以咁耐以來都無入到貨。這瓶是兩位店員極力推薦，而我之前在另一間墨水店睇過色也心動但無買。好啦，入埋。
安樂哂。
入 Mont Blanc 都係喜歡個玻璃樽。不過不少朋友都讚好用。店員有叮囑，入了墨的筆要密密用，因為墨較稠。所以，擺住先啦。
應該忍下手。
Official :
Mont Blanc Ink : INK
平和萬年筆〔佐瀨工業所〕： http://www.glasspen.jp/
6.7.20
4.7.20
2.7.20
交番條匙出來
十年來一直都是部門佔一層樓的日子在五月完結，拆房添檯，混了另一層樓的職員進來。連廁所的 locker 都要嘔返出來重新分配…一格要兩人用…
唉。我棄權。那些巾巾墊墊，用索繩袋掛在椅背上算了。
恐怖，係因為多了四十幾個女士。
這些日子因為有 WFH，情況都好一點，可以，多四十人去廁所，遇上別人「辦大事」的機率真係大好多，連自己想靜靜的辦一下，都無呢支歌仔唱了。
而且，那個部門好囂張，一搬到這一層，就嫌廁所貼太多感覺「不雅」的勸告字條而強迫總務部盡快撕走。字條寫什麼？咪係叫人嗽完口唔該洗一洗個瓷盤至走呀，要掉的巾要準確放到垃圾桶裡面呀，沖唔乾淨個馬桶就冚蓋先好走呀咁咁之嘛。
真煩。
Bound by Hillywood
和新朋友去吹水，因為晚市周圍都多人，於是來了 Bound by Hillywood。
新朋友都是一位爽朗開心子，天南地北，大家非常投緣呀。
因為唔肚餓，所以只點了點品開心 share 。好味。
玩足成日，好熱，飲杯加了薄荷的凍飲精暑。爽呀！
1.7.20
JUN2020．5本書
上個搞錯五月訂書的數量，不更正了。
六月買了幾本。〔BL單行本漫畫數本，不過這裡暫不post出來。〕
韓麗珠《黑日》。入了突破，本身睇文具，不過見到這本書在豬肉檯，一揭開就是有關警長開槍殺人的一段，所以即買。
在尖咀智源找書不著，最後反而買了這本《東京夜行》。好鬼豪氣呀我。
入了五六月兩期 Dear+ 。因為有我想要的故事！❤️
雖然…儘管我其實不懂日文。哈哈哈。
在博客來入的書：《鬼谷子》，《學術與思想〔上〕》和《你不可能是漢族》。
完全唔記得買了《鬼谷子》，收包裹那天真的嚇一嚇。有鬼！嘩哈哈哈哈！
見青老師推荐，所以先買一本。
這本好笑，戳著不少「擬人」的痛處，要買。
到6月尾都仲未收到新訂的書，咁下回才 count 數啦。
一直煲BL漫畫，還未提起毅力去睇書。日子艱難，不能怠惰下去。
訂閱：
文章 (Atom)
