型格貓店長
條三角令貓貓店長添多幾分帥氣！
我一蹲下，牠便走過來，真熱情！
多誘人啊！
所以我忍不住搔下牠的頭，很滑啊！
BYE BYE 你氣尾！下次見！
7.1.16
玻璃缶
在家品店見到這個缶，以蓮為樣，很是喜歡，於是抱了回家。咪以為好貴，其實廿八元有找。
有想過，這個缶放安忍水最好。不過阿媽話咪整咁多東西放在屋企喎〔我講之前佢完全唔知安忍水係乜〕。佢早幾晚才開聲話電視機前那十五隻瓷公仔好核突喎。囧。
算啦，唔搞咁多野喇。還是初衷，用來放碎銀啦。
6.1.16
零食店小童工
經過一間專賣中國零食〔鴨腎，筍乾，豆乾之類〕的店，駭然見到一頭小小貓在地上左搖右擺地行過，於是入內尋蹤。我只見到小小貓一隻，看砂兜及糧食，都應該只有牠一位。。不知牠的母親及兄弟姊妹在邊度。小小年紀就要打工，要努力啊！
這次出去走走，見到不少幼齡貓已在打工。希望牠們一樣得到店主的愛惜啦。
Chacott Powder
Chacott Powder 碎粉有幾款的，我今次揀了這個試。
追溯回上次個 post ，原來上一次買這黑蓋 170g Chacott Powder 碎粉係14年11月的事。日日上粉的我，這盒二百有找的日本芭蕾舞用品公司出的化妝品竟可用足13個月多。真係抵到核爆！因為用得好，所以都繼續買呢隻啦！
真係慳好多。。
4.1.16
【東方快車謀殺案】．#1
2016 年第一本睇完的書，是【東方快車謀殺案】。
我想我做不成偵探了，因為我記人物的能力奇差，無法好好把人物的特徵記實，以偵探小說來講，每一句句子，人物的對白，都可是破案的關鍵呀。這本偵探小說中的經典，真係難以想像。兇手實在太好戲喇！
魔鬼話我知有電影版，辛康納利有份做，電影得過 Oscar 耶。上網找，看到一些當年的電影片段同預告。不過，人物角色跟小說又是不同。公主沒小說般醜啦。
魔鬼話我元旦已有零的突破，嘿嘿嘿！其實這書都是跨年看的說。
看S已在一月一日已有兩本記錄，很羨慕！睇來我都要加把勁先得喇！
面膜
唉，屋企做冬去元朗站的酒樓吃飯。那天不記得提款，荷包得幾十元 cash ，預了這頓飯由同輩 share ，所以在元朗中心搵提款機。Shit，成個元朗廣場都無一個銀通機！問了詢問處，那位小姐說要去返西鐵站裡面才有中銀櫃員機！係，要入埋閘囉。
結果，無啦啦要去萬記濕平，而且滿五十才可提五百。我買了一樣，提了五百，都無哂心機再搵另一樣過五十的東西買。結果，畀多三個幾入閘去櫃員機提款算喇。
這可是千揀萬揀才買的。畢竟當時真的無想過去濕平哩！
3.1.16
benedict ~
元旦出去吃的第一頓，因為想睇埋本書，於是我揀了 UCR 。當然，吃了 Egg Benedict 配抹茶拿鐵。
揀了向街的角落位，專心刨書。
明明是假期，可是今日竟然很靜。有段時間得我一個客哩。
元旦食好西
2016努力做個吃貨之人！先來個煙三文魚做早餐啦啦啦。
老母見我買煙三文魚，曾問我喜歡三文魚生還是煙三文魚。嗯嗯，在比較之下，我係較喜歡食煙三文魚。
所以，元旦第一頓，梗係食煙三文魚啦！
認真的說，雪櫃尚有一包，是三十號那晚在一田入定貨的。呵呵呵 ~
2.1.16
Bread Street - GR
老早已嚷著要去 Gordon Ramsay 另一間在老蘭的餐廳 Bread Street Kitchen and Bar 。聖誕後，去了朝聖。
沙律 ！溫泉蛋加成隻雞髀！好味！
帶子。個醬我略嫌淡了點。
魔鬼揀了漢堡做 main 。漢堡肉成半吋厚，加上芝士同芥辣，佢話在香港未食過咁好味的漢堡喎。。魔鬼被魔鬼廚司征服了！更說要再來吃這個漢堡
我戒了牛，所以無得 share 這個包喇。
我吃魚。上檯時見只得三枚像壽司的大小，份量係唔夠咖喇。不過想想，可留位吃甜品。算啦！ 嗯，這個好味，可是沒有大驚喜。
甜品是超級正！真係圓滿！魔鬼話呢一餐食到頂上心口喎。我只吃了三枚魚，所以剛好。
朝聖的「香油錢」盛惠一千元，齊頭。沒飲酒係平好多啦。
很滿足啦。
下次要日頭來〔因為裡面裝修好靚咖！食物在日光下拍照，靚好多〕，吃正宗的炸魚薯條先！
官方網頁：www.diningconcepts.com/BreadStreetKitchen
餐牌
1.1.16
小確幸
除夕有返工，午餐出外走動了一下後，周圍食店都塞滿人了，不想排隊買飯，於是只買杯咖啡上樓。咖啡店的杯子轉了新裝，由白色杯變了型格的炭灰黑色！還有一句窩心的話，很喜歡！
Enjoy the little things in life ~
天鐵加生命之花
這是買給自己的新年禮物，天鐵加上生命之花。
天鐵數年前已想買，不過天鐵的確頗貴。月多前在網上睇中這個吊飾，大衛之星和生命之花，常常去網頁望住，一直未捨得買。。明明已有折扣都未捨得買。
當然，新年係一個很好的藉口讓自己買東買西買喜歡的東西。尤其係得知生命之花老是常出現在各地的文物上，甚至乎我期望親身去看麥田圈都有過多次生命之花生命之果。那，喜愛神秘力量及事件的我就更加想擁有某種連結。。
新年快樂！
訂閱：
文章 (Atom)
