Coin Ring
那天如常去 FB 遊走。見到follow了一段時間的 Orannie Coinart 專頁 post 了一枚美麗的 coin ring ，係用墨西哥兩披索的不鏽鋼外環打出來，當然，令我心心眼係這外環的圖像係來自阿茲特克神曆 tonalpohualli。這曆法是西班牙未佔領墨西哥時當地民族一直使用的曆法。詳情不贅，有興趣了解了解咪走去問Google 啦。
原本圖像有廿個，不過這枚披索只選了十款成為貨幣的圖：蛇、房屋、花、鷹、死、水…等等。
一直都好想整枚 coin ring 的飛雲覺得係時候喇，於是約上堂時間，呵呵呵。打鐵趁熱，趁團火仲燒到烘烘咁。約了幾日後上堂。
兩披索的本來樣子。
另一面係墨西哥國徽。
好好用的 deburring tool。這課堂其中一款工具。不過我諗緊繞銀線和銅線首飾係咪都可以懶懶地用佢來修披口算。
哈哈。
Ollin ?
戒指整好當然戴住走啦。正！
即係咁，呢隻 coin ring 原來好易整，在網上睇過不少係鑽開中間再不斷打呀搥呀才整成的戒指，這個只要取出外環加幾樣功夫工具就做到，蠢鈍如我都可在一小時內整好隻戒指，話無挑戰性係呃人啦，話哂要用火槍，要搥，要壓，要磨，要捽拋光膏咁咁咁咁。加上第一隻自己整的 coin ring ，真係好滿足。
想要一隻銅手鐲的我，諗緊下一次挑戰…呵呵。
FB : Orannie Coinart
沒有留言:
發佈留言