水飯鏜
又一個星期。呢日去食霸王雞米線…因為落錯柯打，變了米粉。哈哈。因為米粉唔飽肚，我都好少食米粉。哈哈哈。
連個豉油都好味。
30.9.19
Green grossular garnets
是贖罪之石。因為隻石買來唔係自用，原因唔多唔少係由於我不夠慎言累了朋友。
話說有日我和 P 吹水時望到鄰位的 L 檯面有串綠幽靈。於是就以我所知的去分享綠幽的特別功效…我話綠幽會令主人好多繁煩的工作，但真係「得個做字」，不會令主人得到合理的獎勵獎賞。聽完哩，佢立即把綠幽收入袋裡…
幾日後，日日做到無哂人生樂趣的他突然被解僱！！！以為他只是放假，都係道聽途說知道發生了咁大件事。當時，我震驚不已，問 P ，我跟 L 講綠幽是幾時的事…
囧。乜料。
第六感強的我，如果當日無出過半句話，都唔會淆底。係，事主在出事的三星期後搵過我問佢條綠幽的事，問係咪郁過條綠幽所以無左份工。因為佢無左份工跟我的一番說話係同一星期發生。佢耿耿於懷。
我都係。
抱頭。
佢雖然話無嬲我，但我真係出哂汗…講畢呢一通電話，就急急搵水晶導師救命。於是，從老師的介紹下，買了這擺陣用的綠石榴，打算送畀 L 。
it can make people generous by healing their soul
it can strengthen your soul, take a new energy and reconstruct yourself
new hope
lucky stone
我希望佢日後的日子會賺多點。
29.9.19
Popcorn Brother
店子得反網店和 pop up store 。但都不減大家的熱愛。
呢隻係 Balieys Chocolate luxe 味。好香的朱古力味。店主話研究試了好一段日子才成功整到唔黏唔焦的朱古力爆谷。
多多捧場啊。好好味。
我當然唔會只買一款味啦。下回再分享，未拍照呀。
28.9.19
27.9.19
水飯鏜
呢一次食紅棗枸杞冬菇當歸雞湯米線。和舊店唔同，呢個湯哩老闆話熬得唔多耐，所以唔夠舊店咁濃到漿粘粘咁，加上落了川芎，所以味道跟以前係唔一樣。當然，新店有多一位師傅早回舖煮，老闆現在不用樣樣都自己一早回舖煮喇。所以調出來的味點都會唔同。
不過，一上檯都係香噴噴啦。各有各好味。
因為我係舊客，個個星期去食食了三年，所以會食得出分別。
當然，這店廚師都係比連鎖店的高水準好多啦。
吃好。是應該感恩啊。
26.9.19
Tomato Story
和朋友去上堂前，先去拜會呢間小店食，番茄系，黃色。由於位處狗總附近，灣仔頭，人流相對較少。不過唔會因此而少客啦。
因為這天陽光滿滿，食物在日光下，照得更美更鮮明。
這一頓又識了位新朋友，做食物安全研究。好高興認識你。多多指教。
25.9.19
新景園
呢日下午有個網絡安全的課，在灣仔上堂，所以完了課堂後一齊去排隊食新景園。
六點晚市，去到已有人龍。好好笑，當伙記拉起閘見到店外的人龍都忍唔住嘩。哈哈哈，朋友在同街返工，佢話新景園星期六晚市從未試過要排隊囉。
慢工出細貨，呢度食物上檯的速度媲美法國菜，等了差唔多一個鐘至上齊柯打。不過大家好耐心咁等，只係大家都好靜，氣氛有點奇怪。
我同朋友好食到頭一圍，對正門口，在等待的時間裡都係隔住門和舖外的食客對望。好尷尬的說。
朋友在同街返工嘛，所以由佢拍板落柯打食推介中的推介啦。
必食的咖哩炸豬扒。。好好好好大片炸扒。個咖哩汁都好惹味好香口！
炒通菜，多椒，爆過鑊，好有鑊氣。
生麵炒的，好正！
唔知係咪慣常，呢晚晚市無水吧，只供應汽水，於是劈了一瓶可樂。飽到…
有位大隻仔客人臨走時突然轉身向場內大叫「香港人加油」，全場即時一齊畀反應…哈哈。其實老闆娘點諗？哈哈。
不得不說，店裡上下都超好禮貌，好過好多酒樓酒店快餐店多多聲啦。
24.9.19
《海底兩萬里》．27/19
22/09/2019。
因為在圖書館揭緊一本書，裡面有講過呢本書有提過亞特蘭蒂斯，所以就去借了回來。本書新到好似未有人借過咁。
哈哈。我一路搞錯了書名的意思。〔我數口差〕我以為水深…〔地球直徑都係萬二公里…囧，我是真智障了〕
話哂百幾年前的作品，以當時來講這故事真係好前衛好科幻。
但，估唔到，呢本書竟然係講血海深仇不報不共戴天…
咦…真係估佢唔到啦。
基隆茶餐廳
呢件事，早幾日發生。
話說有隻口音未甩嘅「生禽」在茶記望住港台電視直播靑衣現場，就用佢呢世都應該甩唔到嘅口音話班人又去搞事阻人開唔到舖做生意乜乜物物。咦！估唔到嚟呢度會遇到智障……因為我坐佢鄰檯，硬食呢句入耳，為免佢繼續唔識收口會興奮地講落去，於是我轉身啤實佢，佢同我四目交投時真係怯，之後聽到佢細細聲同同檯件契家佬之類物體講，入錯地方食嘢，D人…〔我聽唔清呢句〕，下次唔好再來。
er…咁辛苦來香港做乜唧？擺明來香港無耐啦。
呢間係基隆茶餐廳呀，正一懵柒柒。
件契家佬醒目，聽到隻生禽亂叫，都無乜畀反應。哈哈。
當然，有可能係件佬有立場，但無諗過隻生禽會亂發表想法。
23.9.19
22.9.19
又染髮
因為翌日就要去飲，所以呢日就在樓下的頭髮用品店買東西自染，搞搞個笨頭的蒼蒼兩鬢。
店員介紹我用 InSight 呢隻牌子，佢話佢用緊，色都 last 到較耐。咁我就揀了6.31 - Beige Dark Blond ，諗住再有白髮都似 highlight 唔礙眼嘛…
結果，染完之後隻色完全唔係我想要的…近乎全黑，直頭個色變返中學生返學都唔會被捉的自然黑。
未染之前我頭髮係棕銅色喎。嘩哈哈哈。頭髮黑了，臉就顯白。嘩哈哈哈。
或者下次激一點，用91.2試。哈哈。
索性買個兜和掃。唔使每次染都要專登去食個餐留隻大汽水杯用。
店員執畀我原來係 davines 掃。原來自家用個掃去染髮好過徒手上色。
Suavecita' Argan Silkening Serum - 店員教我哩，開完個染髮膏再加兩滴髮油攪勻才塗上頭髮度對頭髮好。而且佢仲提議平日好好減少用護髮素〔對頭髮頭皮無益〕，每次洗完頭抹到頭髮無滴水，就用這個油兩三滴份量手掌上搓，再搓上頭髮度就可。比用護髮素更好更有益。咁 for 頭髮用的 argan oil / serum 咁多，我就揀了呢個品牌啦。
加埋我一星期用兩次用胺基酸洗頭水流頭，又用呢個油，頭髮確係絲滑了好多好多，再無乾巴巴的乾旱老態。
Official :
Insight Professional Natural Hair Treatments and Products
Davines
Suavecito Suavecita
21.9.19
20.9.19
18.9.19
17.9.19
訂閱：
文章 (Atom)
