17/04/2017。
見有人讚這本書，於是我又買本來看啦。第一次買湊佳苗的書，希望對口味。
個故事講一個男人同幾個同學各自收到匿名告發，「殺人兇手」的指責背後是誰做？故事真係扭到最後一頁，真係估佢唔到啦。
故事其實好像村上春樹《沒有色彩的多崎作…》咁咖，你眼中的我，或人家眼中的我是怎個模樣？在尋找真相的同時，也是一趟面對自己，面對內在的旅程。
可以一看哩。
話說有人在模型店訂了這盒東西給我做「事先張揚的生日禮物」，聽到之後，啋，真係大吉，送鐘！
『你畀返一元我當意頭，當盒野自己買啦！』
這是什麼世界！囧。天啊。
嗱，最終係我收到隻黃色潛艇做生日禮物。而這個 Big Ben，到四月尾，我都收歸國有。哈哈。表面上，話這盒樂高當我自己買，畀足全數，實則，我還在拖住唔找數。
嘿嘿嘿。
世風日下啦。
那天又去 workshop，不過趁開堂前半個鐘才到長沙灣，想吃件蛋糕加杯啡，可是咖啡店坐滿，於是去了 workshop 對面的集蘭醫肚。哈哈，我竟揀了個黑椒雜扒飯囉。
時過兩點，加上係工廠區又公假，在冰室人不多，看我碟黑椒，真係嚇一跳。哈哈。
不過嘛，老冰室的黑椒係堅正，個黑椒汁拌飯真係一流。
可能知道這晶石係鑽石的代替品，所以在會場見到都執了一條走。當然，這賽黃晶在日光〔日間無燈的室內〕都在閃閃透光，那些炫目的光芒真係靚到震。照片好難拍啦。日後真係拍到會再放上來。
當日晶石上貼著HK$300。不過，這HK$300係貼在另一張價錢上。而那張係HK$1300。唔知前一天這條水晶係咪賣緊HK$1300呢？
檔口有彼得仔〔朋友早一日在會場搵到兼代問，要HK$900〕同紫鋰條〔磅了，要HK$800〕，不過荷包乾塘喇。
我還是揀這個靚到震的賽仔帶走。哈哈。
礦物展收獲之一係這粒紫蘇輝石。是店主介紹，對抗不安及過量而不自覺的情緒反應。因為打了孔，於是直接穿繩戴啦。
HK$120。
等了足足一年，終於去到這個一年一度的礦石展。抱住尋寶的心，當然首要係尋寶啦。
會場內好像好多瑩石。大家都對瑩石有偏好嗎？
去礦物展前梗係食個早餐啦。爭取時間去濕平，所以揀了這間在東城對面的漢堡包店吃個快靚正。
這是 mushroom burger combo 。菇是剁碎再用粉漿在一起再煎，所以味道跟整個菇吃是不同囉。
都好味。
匆匆吃過，濕平去。
Workshop 後，一條友踱步到金園，吃個干炒黑椒叉燒意同紅豆冰先。因為個炒意粉全名好長，我讀到又急又亂哂次序，於是站在檯邊落柯打位肥叔寫著寫著還是忍唔住笑我冷靜些慢慢講，哈哈，我話好食嘛，所以急著唸。
哈哈。
這裡的紅豆冰唔係用罐頭紅豆，而且，炒意粉真係好好味咖。
那天陪同事P到店濕平，店主一見我們，就主動拎了一袋剛返貨的海藍寶碎石出來刺激我。好閃啦！哈哈，因為實在太 baby blue 喇，明明喉輪好強的我〔!〕都忍唔住執一粒走。堅靚。
後來，呢粒畀左老母喇。
09/04/2017。
幾乎唔記得要 update 這裡。其實哩，本書在網上吹得太大，搞到我都買來看。可是拎起本書睇真，來來去去都係講三幅被，所謂窒息的相處呀對話呀要求呀，我相信對大部份香港人來講真係不算什麼。
而且，作者教你遇到同樣事情時要點樣回應或點樣擋，可是那些根本問題真的可憑一兩次回應或擋隔就能順利解決了嗎？故意講些令你壓力暴增的話那些人，會因為你一兩句「似乎在反抗」話就會反省？那些入心入血的傷害係無可能輕易化解，那些喜歡施壓的人都唔會輕易改變態度囉。
另一個問題係，作者的語調和用語，句子的長短都令整本書感覺非常累贅。偶一、兩篇是這樣尚消化到，可是要一股作氣的看整本書就真係感到吃不消。
哈哈，才一個星期，就在觀塘的新發現但其實開業七年的礦石店度買到 Himalayan Quartz ！又係我隨口問老闆，老闆一句話「有」，就從佢部 laptop 附近執起這枚晶石畀我。老闆話新返，準備拍照放上網店，我即話要呀幫我留起先〔我竟然唔記得帶銀包去店，哈哈〕，之後再帶錢來贖。唔畀佢拍照呀。哈哈。
買石當日好忙，回到家都無時間拆 bubble wrap 處理欣賞此石。翌日一早又要出街街，咁梗係帶埋佢出去，拍照兼睇真D啦。等人其間，就掏出來趁有日光，拍照拍照。
My blog is worth $3,387.24.
How much is your blog worth?
