日落．分手之地。

N個月無來海港城，估不到LCX盡頭樓上有個超靚位拍日落。哈哈，看相就知我錯過了時間啦！第一次上到去，超多SET 哂腳架的龍友佔盡欄杆位拍照。真係好靚。

絕對係分手的好地方。唔係咩，歌都有得唱啦：

斜陽裡氣魄更壯…

P.S. 唉。真係，呢張相片都未 POST 出來，本 SET 左十二月中才見到咖，昨晚突然見到「有隻野」話結婚，仲話有晚個男人在呢個位置度同佢求婚喎，真係…

斜陽落下心中不必驚慌…

講真，真係唔使羨慕佢咁樣樣質素都有人啃喎，要知道，「冤有頭債有主啊」。有D劫哩，係避唔到咖，鬼揞眼就黐埋去咖喇。

新香園

去汝洲街買材料嘛，早午都未食，經過新香園，就入去吠豬手麵啦。廿三元咋。好好味，真係好癲。

咁呢，我又口痕，要多份至愛鮮油多，十二元有交易，絕唔係一片薄麵包開肚塞少少鮮油就奉上那種。好味好味。

正正。

蘇媽．蘇媽

那天去SSP買手工材料，之後經過基隆街見到這間店，好吸引，於是入去食食食。我揀了一份魚仔醬蘿蔔糕，一份湯咖哩豆卜，及一杯凍檸檬麥芽薏米水。其他的都好吸引，名稱也好搞鬼，會下次再來試。串燒三串有交易，適合我辦完貨一條友仔來吃啦。

好好味。三樣都好好味。

六點後才供應肉骨茶，所以如果要吃就要六時後來喇。

圖騰貼紙

又去入了點貼紙。哈哈哈，but 我連貼的方向都仲未搞清楚就買買買。

紅兔毛

月前買了串維納斯水晶。

Lava Java

和十幾年無見的舊同事飯聚，因為三個有兩個都在觀塘返工，所以地址就揀觀塘啦。一個在香港生活，另一個的工作就要長駐東京，十幾年了，早已入籍。不知變成點？哈哈，當佢知道我仍在同一公司同一部門原地打滾，都十分意外。係囉，點解我走唔出？定係無能力無勇氣闖？

十多年無見，難得大家都好好傾，一樣無銅臭味，所以這一頓飯時間的短聚，真係唔多夠，期得下次啊。

J，努力爭取唔好調返來香港呀，留在日本好好多啦。

感謝 J 感謝 D 。這一頓食得很開心。

白晶球

拖了很久，終於向店家贖回我的水晶球，哈哈。

大大片彩虹，超靚！

Found Invader！

那次在灣仔一帶遛，找不到 Invader 的新作品，好 sad。估不到，呢日去了好耐無路過的廣東道，竟然無意中有重大發現！究竟點樣黐上去咖？五隻可愛小鬼呀！咁益海港城…

日照剛好從對面海的大廈正正反射過來，於是構成這一個美好景象。

《妖怪連絡簿．玉響之家》．31/17

25/11/2017。

話咁快又睇到31之數。作為《夏目友人帳》迷，好難忍手唔買呢本小說。買了書，想快點睇，於是就看了。呢本小說裡面有四個故事。一個講夏目，一個講名取，一個講狐狸仔，一個就係講玲子。有趣是，四個故事全有牽連，而且牽連的方式好巧妙，真係唔睇到尾都唔知可以有趣到咁。

第一個故事《玉響之家》裡面的門，真係心理學野，男角有很多反詰，我係絕對被敲到心坎。

故事睇到好鬼緊張。究竟，夏目點解會跟外婆姓…一直係個謎。而且玲子的丈夫又是誰，真係唔知要等多幾多年再揭曉。

非常好看。

有追開漫畫動畫的真的不可錯過。

整捕夢網

知道礦石店老闆有教整捕夢網，咁我的幾個茶友兼水晶友都有興趣喎，於是組班去學。有五個人，成團。

這是我整的第一個捕夢網，也是用生命去整的一個手作仔。上堂前幾日病了，氣管易敏感，而麻繩又真係好多絮屑，一邊繞繩都頂唔住咳嗽，後來停唔到狂咳要去廁所。結果都要戴住個口罩上埋下半部。

嘻嘻，第一圈網都尚似樣，再拉多幾拉穿多幾穿，心水唔清就變了一團線在中間了。其實條繩可以再拉得緊D。

黐埋羽毛，收起線尾，就大功告成。當然，我呢個唔算合格，因為D羽毛遮唔到固定在後的繩。露哂出來。而且每束羽毛的方向都似我榻人咁脫線左右亂飛，所以，唔係合格功課。哈哈。

回到家，就把它掛在窗口上邊。呵呵。

白晶蟾蜍

其實哩，呢隻白晶蟾蜍BB係早過金髮蟾B買，不過當時未贖住，拖了一個月多才帶返屋企。

呢隻白B係咬住錢，亦踩住一塊大天圓地方。因為師傅不同，這隻白B的型態表情更生動。好靚。

大家努力。呵呵。

買了一條玊蓮藕

在店等待老闆娘幫我重穿腰鏈的時候當然左摸右搜啦，結果嘛，找到條好別緻的玉蓮藕。重要係加花花，橄欖綠的繩結穿得好靚。

『這個是緬甸玉哩！』老闆娘說。

因為少見雕成蓮藕狀的玉，玉質通透，加上意頭好〔是佳藕也是年年都有〕，所以問了價就決定買下。

帶著歡喜的心即時戴上手戴住走啦。哈哈哈。

好

鵝記

偶經過廟街都去鵝記吃個糖水。芒果西米露。

粥底火鍋

迪迪尼之會後，再約埋 8C9 和 AnAn 去食食食，粥底火鍋係之前講過去不過 full booking 未去成，呢次竟然訂到檯喎。哈哈哈。

先來的係粥水。

每位都有魚、蝦、蟹、扇貝、花甲、蜆，鮑魚、花膠、栗米、肉丸…再揀三款：牛、豬、響鈴。咁，我地後加炸魚皮和鮮淮山。最後，上芋頭粒，炸豬皮，菜脯，冬菜，南瓜粒，一碗已煮到開花的飯倒落已入哂味的粥水到拌成粥，真係飽到一個點。

海鮮好新鮮，好甜，好好味。

滿意。怪不得會爆場。