21.9.21

山浪奶茶

呀…all in 呀。


要買梗係買哂四款味啦。



Elujuda Mellow Oil

因為整個系列每支油都好靚〔日本貨係咁吸睛〕,詢問過店員後,話我髮質較適合呢款潤一點,呵呵,樽是美麗的琥珀色!於是買啦。味道好香,又不黏膩,搽上頭髮香味在飄散,變成賞心樂事。

樽口的貼紙,哈哈哈。看來好多客好手多多囉。

唔係貪得意咖,係用完髮油,又要補貨,於是去了兆萬內的黃店買。當然,試新牌子是必然啦。

呢個系列,正到想成 set 各色全入。

119 Italio Restaurant & Bar

那天勁熱,無力啪熱食落口,於是入了 119 Italio Restaurant & Bar 度涼冷氣兼吃個西餐。

這天是平日的午後,我一個人包了場…



熱到飲沙冰才能消暑。

在老區,附近又無商場又無商廈,的確少人煙。呢間好味的。去開大南街附近行街,可行多幾步來幫襯。

20.9.21

再見了…貓

朋友辭了呢份工,唔知有無機會再見呢對姊妹。

黏人貓。



18-20 JUN

還記得嗎?

19.9.21

跟抄谷友之句

也是勉勵自己,放下就好。


千之味

例牌。夠飽又滿足。

18.9.21

抄.釋正受

好美的佛偈。

千山同一月,萬戶盡皆春。
千江有水千江月
萬里無雲萬里天

感到滿滿的祝福哩。


DAIRY 草莓豆奶

少女漫畫的高中生不論男女都常常飲草莓豆奶。呢日難得入一田,又見到喎,也買來試,少女一下。

味道可以。不過份量再多點會更開心。



17.9.21

留家月餅

今年暫時只入了留家的月餅,有豆沙和白蓮兩款味。

在中秋前應該會搵其店再衝多一盒。〔屋企得我一個食得甜,買唔到咁多〕



Napnice Passion Pillow

需要買一個枕頭,左揀右揀,都係買黃店兼本地貨。

那天直去設於荔枝角廠廈內的陳列室買這個 passion 款 。店員服務超讚。而且,售後 sent 了短片教點用這個枕頭。愛躺平或愛側睡都有不同啦。

因為前一個枕用了十三年,所以,用新枕頭一定唔慣喎,用了快一個月,已習慣了。

正。

16.9.21

七十二物候.春

睇一本叫《虹始見》的BL漫畫才知一年除了節氣還有七十二物候。是隔五日就是一物候。而且,物候涉及的範圍不止氣候一個方面。從網上得知,原來有「物候學 Phenology 」,而日本人對每一個物候日子,都有相應的事要做,嘩。

常識常識…常常唔識。

真係無教過丫。

抄住立春至立夏前的一段。

Around Willington

又同朋友食晏,今次是文氏伉儷。要吃好,所以約在這裡。廿幾年朋友,一埋檯當然又係聊個不停。


今次我都終於吃到話梅醉雞喇。正。


早上出門前一邊洗頭一邊諗起好耐無食白鑊煎雞翼,連雞翼都少了吃…幾個鐘後,朋友在餐點後追加這一盤…真係「咦!」…好好笑呀。


必吃的甜點!


正。下次,實有下次。

15.9.21

抄.顧太清

寫字,無人能一步就成大師級,有時亂來一通自成一格或聊以自娛都可以丫。

不過,呢隻紙太滑,唔好寫。



天鐵BB

在網上見店主放圖是喜歡的天鐵兼粒仔狀已見獵心喜〔哈〕,於是,久違了兩年的地方又再去。揀了呢粒BB。

好靚呀。簡單就是最好。


14.9.21

感覺踩了少少入書法世界

雖然之前有學書法,依家懶到拎鋼筆寫字算,不過跟書道呀文房呀的店,也是滿興趣去,充下文青,聞下紙墨的香,人也精神爽利。

這天去開放日睇印章,一開始只係陪人無打算買的也買了一些,剛好負責人有教開印泥。呵呵。

雖然網上有片,不過無入坑,無睇到。而且上過的書法班也沒有這個,這是頭一遭學啦。

印章於我,是「字都未寫好怎可以囂張仔還好意思壓印章!」,所以一直在學習階段的我都沒有印章啦。

印章,是行走漿糊用嘛。


13.9.21

盤子工房

約了新朋友仔在屯碼那邊見面,說真的,好多年無去過那邊了。然後,佢帶我去吃黃。

哈哈。呢間正。

呢塊菠蘿片我都食哂。


全日早我點了全素的那個。賣相,味道都好正,而且好豐富添。原相都爆光勁了〔或是不慣在新朋友前相機食先,於是匆匆按快門〕,下回再去拍個好。



新朋友也是嗜書人,好傾。

抄.范成大

都係唔夠齊。



12.9.21

Diamine Kong Guys Ink

之前的「獅子山」,然後「港女」,因為有局友繼續有求,佢就再找 Diamine 出了只在港發售的「港男」,當然慶幸撲到首批1/150。正。

不過買了至今仍未入鋼筆試用。因為懶洗 converter 。哈哈。

暫且放在公司度當裝飾。

Smiling Elephant 奶茶

屋企附近的雜貨店有呢個泰式奶茶賣,正。原來門市在堅尼地城。



11.9.21

抄.徐凝

呢個寫於七夕日,所以字很醜。

5T5靚。嘿嘿。



Coffee Green Tea

這個夏天,好像不停在喝梳打水…





當然,慶幸不停有飯局。呵呵。

10.9.21

Delizioso Mask

那天在店買卸妝洗面膏,又順手買多樣好物。

呢個幾好。


Official : Delizioso

抄.劉翰

突然間覺得寫字狀態穩定了。是不是?至少呢堆字好整齊喎。



9.9.21

買藏香

和朋友約食晏,早到的我趁未夠鐘,去了漢礼一轉睇下有什麼好物可入貨。

然後,買了兩款藏香:

色登寺作明佛母熏香。


及楚布寺藏香。


一見藏香好難忍手。不是用作禮佛〔因為家中無神壇〕,只係想買來淨化屋企氣場咋。哈哈。

抄.尚書

如果。



8.9.21

LLB Bistro

又熱又雨的夏日,去完黃大仙後,趕赴約好的午餐飯聚。去的是荷里活道這一間。

雖然店主曾奇怪被誤傳告急而引來食客,而不是為了尋好吃的而來,可是嘛,悶空氣下衫濕汗爆由電車路那邊徒步上來,這番誠意豈止是為尋好吃。況且,人既不是在這邊返工,也不是住在附近,是專程過來,誠意搭夠吧。

實在太熱,劈了兩杯梳打消暑。

薄荷梳打,人即時透心涼。好舒服。




很久未嗌 all day 喇。來一客。滿滿的。



玫瑰梳打好正,好香玫瑰味。