《沙門空海之唐國鬼宴第一部入唐》21/18

30/04/2018。

早前大6電影《妖貓傳》我無睇，不過都略知有日本演員參與。原來，故事係來自這本夢枕獏的作品。點解日本人會寫唐朝的故事呢？心思思了一段日子，想起有堆書未睇，於是暫且 bookmark 左先啦。真咖，當時去到書店都無買。嘿嘿嘿。直到某天在一位醫師的專頁睇到佢篇文末提及《沙門空海》，原來佢都有睇！！！咁又挑返起條筋。常覺得念一動就有回響，後來在書店，就見到這本書放在樂文翻譯書的豬肉檯度。於是，就好順便咁帶埋返屋企啦。

我唔知道呢個系套書，而且，尚有七本。我怎麼又開多條戰線！哎，《地海》都未睇完。哈哈哈。

上網找過，圖書館借到這系列，不過係舊版。而我手中這個是另一位譯者再翻譯的新版。。嗯，唔知有無人對比過覺得邊個版本較好呢？不過，我都係愛捧著新書的感覺。而且，去圖書館借2-8都係舊版，可能有D料 match 唔到。

〔買書的藉口〕

講返故事，空海大師的淡淡然很超脫，加上佢本身實力如深海，真係佛系界的明星，好閃好閃。呢段日子日日都佛系，覺得刨這本書投入空海的世界絕對係好時間。

而且故事好生動有趣，也有不少佛理。推介。

因為刨緊另一本書，所以尚未訂埋2-8回來。畀D時間我。