女為悅己所以買面膜

因為屋企樓下間女妝店結業搬舖，貨品全有折扣。所以我在最後一日〔入到店至知〕撲了一堆面膜補給啦。啦啦啦啦啦 ~

呢隻 KOSE 講到咁勁，買來試先。

嘩哈哈哈，竟然有我的飛佛野菜面膜。掃了三款，牛蒡那款送畀朋友試。

想試炭酸好耐，買一盒！

哈哈哈。

偶有煮意

香草雞翼加墨魚條加節瓜粒。

呢日雞翼色澤唔錯，整得好靚。

Pasta Zone

去駱駝漆大廈食手工意粉，廚師是意大利人呀。

檸檬汁…

我揀了雲吞。可以再濃味D就好。

提拉米酥好滋味。

Good。

Healthy Origins CoQ10

要啪Q10，在網上揀了呢個。一時三刻好難說好不好，不過看網上評價是不差的才買。

橙色的膠囊。好搶眼。

官方網頁： www.healthyorigins.com

Neighbor

去中央圖書館聽講座前醫個肚先。

大蝦帶子茄汁意粉。好味。

不過呢一餐食了HK$165。好像貴了點。

佳記

旅行回來後，又回復我的茶記生活。

樹．風災後

一場風災〔我覺得係災難〕，整個香港倒了千計的樹，包括已幾十樹齡的大樹。

這天，走到灣仔，見到樹沒有倒，也沒有枯，靜靜地享受日光浴，感恩。

這日子，整個香港的面貌不復往昔，真的，一棵也不能少。

山竹後發現漏油

山竹過後在避風塘拍得的。仆街喇，唔知邊隻艇漏油。。

這個風對香港影響好大。嗚嗚嗚。

Loreal 黃糖面膜

新出品又做緊特價九十九元，於是執左盒試。我揀了可可油滋潤去角質黃糖面膜。

因為有可可油吧，敷上面一陣陣可可豆香撲鼻。哈哈。

OK啦。

Cats' Eye

記得汕頭街有蛋包飯未試，餓扁了，所以特別記得要吃飯。

嗌了個我至愛的木魚矮瓜做小吃。好好味。

不吃牛的我，只有這個選擇，芝士雞和咖哩豬肉。加埋個靚靚蛋〔我愛這款〕，這碟蛋包飯真係一上檯我已忍唔住嗌「好靚」。

好好味，三扒兩撥就食光光啦。

好滿足，仲好飽添。

店裡人好熱情，是小店的熱情，是令人愉快的心頓。

下次再來。

Crescent Moon' Quartz

月前在網店度一見到這白晶完全沒有懸念就決定要。趁中秋，兩個月後終於贖回來。哈哈哈。

朋友問張相有青蛙，我說是仿旅行青蛙啦。

『匙呢？』朋友再問。

「開運匙啦。」我笑說。公司採 clear desk policy ，放工要把文件悉數鎖進櫃裡，這匙真係同 access card 一樣重要。無帶返正就整日企係度做唔到野…所以係開運匙。

哈哈哈。

好甜的笑，好清亮的白晶，好靚好靚。

《世上最棒的貓》．41/18

03/09/2018。by Higuchi Yuko 樋口裕子

更正返係9月3號睇完這繪本。〔我在面書打錯日子〕

插畫家我在IG一直有follow 到，因為少去書店，都唔知有中文譯本。有兩本作品，基於我唔想「抬書」返香港，唔買哂兩本喇，先來這本吧。

故事講一隻毛公仔貓想成為真貓於是四出訪尋方法的故事。都幾催淚咖。

咁，我想成為怎樣的人呢？為其他人的眼光期待而活得不像自己，弄得不倫不類？還是忠於真實的自己好呢？好好的愛自己。因為我是唯一，沒有多一個我了。

推。

封面的貓原來真係有其貓咖。哈哈哈。

官方：http://higuchiyuko.com/

花好月圓餅

又拎返個血石月出來應節。

我呢度日日都有固定的朋友仔來看，多謝這些朋友歷年的支持，令我這裡未至於自說自話。哈哈，我在這佳節祝各位新舊海外本土的朋友中秋節快樂。

我呢度會努力繼續運作，字少，因為工餘時間無電腦用，Tablet 也沒有，看來要買返部 Pad 仔隨時寫下文喇。

多謝大家。飲勝！

素咖哩角

在鄰村吃點零食至返歸，點了一客素咖哩角。上桌時忍唔住笑，是脂肪煉成陣嗎？嘩哈哈哈哈哈。

剝皮寮

出龍山寺的左邊有剝皮寮，不過烈日當空，真係無可能滴住汗企在街上慢活式逛這整條老街。會中暑。一定會。

下次先。

木造的！好厲害，唔驚蟲蟻侵蝕？

舒俱來．Sugilite

之前買畀老母佢話好好用的舒俱來拎左去浸粗鹽，於是我趁去開油麻地，去店買多粒舒俱來畀佢做替換。

朋友話我有孝心，我其實不是。老母係個健康就四圍去，仲叫我「唔好窒頭窒勢」，「去邊係我自由，任何人無權理我」，有病就覺得你做得多係應份，做少了絕對唔夠孝義的人。這樣的關係，好累。

我寧願花少少錢。好過佢唔舒服搵著大家來搞。

Movenpick Cafe

若不是在台北車站遇到這間店，我都真係完全忘了我曾計劃去台北食呢間。哈哈哈。天意。

那天我在酒店 check out，拖住個喼行了好多條街亦熱到核爆咁滯，去到咖啡弄原來要行上一層，結果拖住個喼的我被迫放棄。轉去台北車站那邊搵地方醫肚。出了一身汗好累，都沒心思周圍行去搵日本菜喇。就在呢個時候，呢一間出現在我眼前。

無想像中咁好食，似日常食的餐廳。無論如何，都叫「了左個願」。咁啦。

教師節

九月十日，睇睇廚房個日曆…咦，我睇左什麼？模型的小手兜住咩先？

哈哈哈哈哈。

…咩人睇咩野啦。

羅麥記

幫朋友在台北免稅托支威士忌回來，這晚交收，去了羅麥記。

無吃早午，叫個勁餐先。

黑椒雞扒飯鑲在麵包內，我連麵包都盡量吃，還是不行。

朋友吃豬扒飯，佢話正。我下次試先。

茶晶．Citrine

那天去店取回我上年留下修補的紅紋吊墜，九個月無去，在貨堆中找到這兩粒茶晶。一粒較深一粒較淺色，各HK$88。因為唔知點取捨，而兩粒繞了線既可做吊墜也可做手鏈，結果兩粒買哂啦。

放心，無花無崩，淡色那粒我未搣走個價錢牌咋。

諗下點搞最好先。