30.6.18

人間世茶會館

D地方真係要完全唔趕時間至去得,一個鐘放飯時間真係匆匆的吃匆匆的走,無得慢慢品嚐真滋味。

雖然很久前已知這間店,亦一直有 follow FB page ,不過就係騰唔出時間去食。哈哈哈。感謝呢日 C 約我去呢間飯局。被動就有動力郁。哈哈哈。


嗌左壺茶。不過呢間店只供「一隻杯一壺茶」。要 share ,其中一位就要用水杯喇。


從來無去開飯睇,原來呢間係食西餐。蒜頭燉飯。



朋友話呢個朱古力慕思好出名。果然好香濃。當然,賣相都好有趣。


不得不提,館子大,座位卻非常闊落〔唔係為賺錢那種〕,除非客人很吵,否則真是個可以慢坐的好地方。

紅磡冰室

越式春卷變了炸豬扒,於是侍應收走豬扒。檯面只有華都夫,叫我食住先。哈哈。


石仔

買純銀手鐲時送的小禮品。手掌下的一包不是啦,上年買落,唔知點用一直放著。這陣子終於想到,可用作 wrist rest ,剛好。


29.6.18

炒節瓜粒

「永續」的芝士熱狗腸。哈哈哈。


Daddy’s Kitchen

落堂,勁肚餓,街又熱到火爐咁,所以急急去了後面街間餐廳盡快醫肚先。

白咖哩豬頸肉。Good



口若懸河的貓店長

之前拍過佢呀,呢日行過,咪走入店搵佢囉,原來小朋友在睡覺。我無搞佢咖,只係我一拎手機對焦,佢就對我喵哂,弄得店主真係望過來睇哂咩事。老尷。

貓貓你好。打擾了。

話佢口若懸河,因為在另一位拍貓人度睇到,呢位貓朋友好鬼好傾咖。哈哈哈。




28.6.18

2018珠寶展

話說朋友星期一問我星期日有無收穫…收穫?想了一陣,才記得講過星期日去珠寶展。

究竟我係咪癡左線,我竟然一粒石仔都無買到。在場內無花過任何錢。所以朋友問我有無收穫時,我腦的確空白了片刻。嘩哈哈哈。

莫非這就是心如止水?

的確,呢個月我真係一件石都無買到。不過還留著兩件石頭欠緊賣家錢。會贖的,不是呆壞賬。

相片攝於場內館與館之間的空檔時間,玻璃是藍色,看相也是一片藍,索性轉為黑白好了。


魚米食肉餅

呢日又去了魚米開餐。揀了肉餅。因為…自己唔會花力氣去剁肉餅嘛。哈哈。

不過個肉餅色澤怪怪的。


Visage One Jazz Night

新朋友帶我去威,話中環有間一人理髮店,逢周六晚上會做爵士之夜,有樂師現場為大家演奏。好好好,多見識不一樣的香港才對得住自己嘛。

在西營盤食過晚飯,我們一行四人沿贊育那邊走回美輪街道。距入場時還有空裕時間,他們走進理髮店附近的酒館看看買不買到好酒〔V是儲酒人〕。店主是個熱情的澳洲人,幾個月前才開這間實體店。有辦 wine tasting ,詳情可直接去店查詢…因為我忘了酒館的名字。哈哈。

他們當然有收穫啦,而且知道理髮店都有同佢買酒。係,理髮店係有酒供應。Jazz night 嘛。點可以無一杯在手?

接埋剛到的朋友,這晚有五個人。

入場貴一百包一杯飲品,大家在門口一組組入,付費,點酒〔有汽水啦〕,然後在店裡找個位置坐定定等開場。因為表演係九點,而我們八點已到,所以五個人坐到閣樓一隅,自成一角。朋友也開定酒〔可以帶酒來,當然不可以過份〕。望著魚貫的人進場,我們聊著聊著,等開場。

這晚樂師只有兩位。朋友話上一回有五個表演者哩。不要緊,出色的,一個樂師都足以撼動全場。呵呵。



望下去,擠滿了人,有的只能這樣像搭地鐵咁企。噢,全程個多小時。換了我,我的膝一定不行。



我看著滿室的人,提出了一個問題。朋友係專業人士,佢話我的疑問正確。這裡不表,或者你都感受到吧。


閣樓坐的位置旁有一列書架,架上放了蠟燭。燭光把大小不一的書影散在天花上,加上燭光忽明忽暗,我一邊聽音樂一邊抬頭望,好像置身在異國的長途車上,落了簾,日光和光暈還依舊照著車內。

想起北非之旅,窗外是一片撒哈拉沙漠的黃。屋是土黃色,黃昏的天也是土黃色,人們披著隔太陽的罩袍,也是黃色和土色。車子揚起的塵土…

感覺很好。〔又似星戰 Skywalker 的故鄉。當然,星戰有不少場景都係在北非取的〕


因為翌日各有活動,我們只聽了一個 section 就撤退。

這一個 section,表演了個多小時,最後一首係「if」,非常喜歡的老歌。

滿足又滾動啦。

謝謝。真是一個美好的晚上。

街市貓

佢個樣好「敵不動我不動」的。

不過,後來有個三四歲的小女孩行過仲伸手摸佢,店主見到就叫貓拍貓屁股叫佢快D入返檔口。嗚。




我都好無奈。

27.6.18

Bobbi Brown

因為有張 SOGO coupon7月21到期,為免浪費,加上我真係有 foundation 要買,於是去了濕平!

早前和朋友飯局,她說上化妝班時負責人係推 Bobbi Brown 的粉底好用,而她用過也感覺好好,所以都推介畀我。哈哈。咁有 coupon 就試新牌子啦。

粉底都有好幾款。因為我皮膚乾,在冷氣地方出油嚴重,加上本身好多瑕疵,咁 BA 就介紹 Intensive Skin Glow Foundation @ HK$580。因為香港官方網頁無色板睇,於是去美國官網找,竟然沒有呢個,要去到澳洲官網至有。奇。



記住個號碼先。下次買唔使傻下傻下。


卸妝油係買滿指定金額送的三件貨之一。哈哈,坐低左,點會買一件貨就走。


早幾日清埋某牌子 base 時出現擦膠粒!又趕出街所以在廁所慘叫一聲都急忙卸哂D面霜再拍爽膚由頭再執。呢日去買粉底,順個便買埋個BASE。呢個係 Illuminating Face Base  明亮美肌霜 @ HK$410,美國官網都係搵唔到。




Instant Detox Hawaiian Sea Water and White Clay Mask ,送的。


送的還有 Repair Moisture Cream



第三樣買的是這個 Remedies# 93 係我揀。詳情可在英國的官網找到。


呢個原液係急救用,使用方法有別於平時用的 serum 。BA 告訴我這個係拍 toner 前搽上面的!

真係有趣。



努力要美。

維記綠茶雪糕

我個人覺得完全無味,唔好食。


茶記貓

在門口的大餐牌中間打盹被發現了!



牧羊少年

人在尖咀,想搵個地方煲書,呢間都不錯。



26.6.18

Halo 日暈

星期日坐巴士經過八鄉,往上望,呀!好靚的日暈呀。於是急忙掏出相機拍拍拍。

藍天,白雲,太陽,日暈。好美。

巴士玻璃濾了光,很好。




Magi Planet 爆谷

朋友在台北試過好味,也給我買一包櫻花莓果爆谷。哈哈。的確好甜好有趣。

好味。多謝。



青海塔爾寺除障香

和朋友去放題,比入場時間早半個小時,時間尚充裕的情況下去了轉角的佛住世逛逛。阿蛋走後在店裡供了四十九日燈,跟住都無來這店。轉眼已是三年前的事。

這天來到,除了買一本書〔後來在樂文書店都見到〕,也買了這包藏香。

青海有去過,塔爾寺呢?搜索十幾年前的記憶都不及上網找找快 memory recall 。哈哈。望著相中一列白色佛塔,哈哈,的確去過。

應該係當年旅程的第一個景點。不過詳細的記憶片段真係想不起來。


話係藏香丫嘛,D味都好啃,倒出來竟有點似焙茶粉。


我有電香爐,每次用半茶匙份量多點點就可薰四個小時,薰出來的味淡好多,好舒服唔啃,晚上我都多了點這個。

腹黑的我,業障重嘛。



這一包,真係有排用。