31.5.18

《沙門空海之唐國鬼宴第四部不空》.25/18

23/05/2018。

原來呢個新譯版group 做四部發行,舊版有八本,嚇得我以為又要掃多四本才睇到結局。夢枕獏用了十七年寫成的故事,我一口氣睇就覺當中不少文字句語累贅。就好似睇卡通片咁,每集都得花幾分鐘去上集提要咁。嘿嘿。

故事去到尾聲,真係好震撼好淒美……不過,我最在意的妖貓究竟時誰呢?話死就死,無哂第一部初出場的氣勢和力量,之後都無交代,成了懸案了。



迷你椒 /墨魚 / 肉片

完全唔記得有包墨魚滑,記得魚檔話只可存放一個星期,所以呢個星期五的 lunch box 比較豐富了點。哈哈。當然,香料也令呢盒食物香噴噴。正。



蘋果jelly

在價X棧見到這一箱箱果汁jelly,日本野,好有趣,所以買了一箱。好多汁。不果這個有點酸。放在雪櫃,偶爾啪一粒過下口癮都好爽。

還有兩款味。有興趣可以去望下。當然,揀好時間至去。



30.5.18

《沙門空海之唐國鬼宴第三部胡術》.24/18

20/05/2018

李白和晁衡(安倍仲麻呂)的友誼,真係可歌可泣。

因為涉及內容,這裡不使吐露太多啦。

繼續追。


九唔搭八的LunchBox

牛油甜粟米配炆節瓜。敢煮敢放埋一齊真係需要莫大勇氣和冒險精神。嘩哈哈哈哈。



嗎㖘蓆

呢期好熱,為了睡得好D,要出動買張蓆喇。買咩好?藤蓆定竹蓆?唔買大6野,咁,印尼嗎㖘蓆係首選。話哂由細聽到大。好old school 呀。買之前問朋友買咩好咖,點之朋友嗆一句:『我開冷氣喎,唔使用啦。』,哈哈,又係喎。

想起旺角有繡莊賣蓆,唔貴咖,於是走轉旺角。原價HK$580的,店主話我爽快於是HK$520賣畀我。強調一下,熟我的朋友就知我從來唔講價還價,買就買,唔買就唔買,無謂R婆仔數。反正慳完呢邊轉個頭都唔知洗左去邊。哈哈。



包裝係啤實無得即場拆,表面哩,都似好滑,不過拆出來之後發現好多刺,真係 raw 到一個點,幸好科技發達,在網上找到清刺的方法。等得閒至處理。暫時在刺上加床墊睡住先啦咁。

29.5.18

《沙門空海之唐國鬼宴第二部咒俑》.23/18

14/05/2018

故事繼續橫跨幾十年。說真的,我完全唔記得白居易叫白樂天…我的中史真係…

最驚訝係日本對唐朝的人地貌,歷史故事認識咁多。

汗顏。


文文

人在大埔,再熱都要去探一下文文。牠在打盹,不便搔擾,只悄悄靠近拍照兩張就走喇。



文文真係好可愛。

28.5.18

豬紅小吃

粥品店小吃。加豉油蔥同埋熱油真係好正。


甜艾糍

Tealady 上次派的艾糍係佢親戚整,呢次佢自己試整,加了新意思,在外皮上掃了糖漿,加埋好蓉的紅豆蓉,堅好食呀。


27.5.18

共享單車

唔贊成共享單車的原因,係呢國的人之質素實在太參差喇!恃住不是自己的 property ,於是就把單車以惡興的隨意,丟到莫明的地方。溝渠,去水道,公路邊〔我真係見過〕…

看著被丟到海裡的單車,心中有火。


大阪王將

在尖咀食了大阪王將的炸雞天津飯和餃子 set 。天津飯當然要同餃子一齊啦!唔係咖咩?

飽到食唔哂D飯。

好味。


26.5.18

當歸雞米線

那天去食米線,鄰位有人叫了當歸雞米線,嘩,香噴噴的氣味攻過來,真係好香呀!於是呢日來到,都嗌返碗當歸雞米線食。哈哈,話哂我係持續來了年多的熟客,店負責人見我呢次嗌個從未點過的麵,都驚訝得走埋來問我如何。嘩哈哈哈。

好好味,連湯都飲埋。係,咁杰身,就知落足料啦。除了當歸及雞,仲有圓肉,紅棗等等,係合哂我口味啦。


想想,又想去食。

卡板變花架

在上環見到這個用卡板整成的花架,雖然植物都枯枯地,不過真的很美很美。

後來再走這樂古道街口,卻不見到這兩片卡板了,不知移到哪裡去了。


蓮藕 / 蘆筍

買了辣豆板醬,呢日炒個蓮藕片和蘆筍先。香噴噴,惹味到震。



25.5.18

蝸牛蠶絲面膜

早在御泥坊賣廣告前,在二莎度已見到,台灣出,所以入貨。雖然話係蝸牛原液面膜,不過沒有黏稠的感覺。

蠶絲面膜又真係好薄好滑。

我買的時候有 offer ,都抵用咖。


迷你苦瓜.雞翼.洋蔥

四月。繼續嘗試在不同街市買菜。呢日,去到灣仔街市。見有檔口賣這迷你苦瓜,我也買了一袋試。初次整苦瓜,據網上教路已先把苦瓜用鹽腌一陣降減苦味,不過翌日吃著,都係好苦,至少比我以往吃的苦。幸好我只要用了四枚苦瓜〔剩下半袋約6枚留畀長輩試〕,否則一條友食哂咁多苦瓜真係會嗚呼喇,嘿嘿嘿。

無豆豉,咁整苦瓜炒蛋啦。加埋上一個星期買左備用的洋蔥一起炒吧。


呢晚,還整了幾隻香草雞翼,有點肉會飽肚感。

好豐富的說。


又一餐。

使徒?

那傍晚天上有這十字狀的雲,宛如使徒。


24.5.18

Invader

繼續找到佢…左右各一!





魚米

唔食魚的話,魚米的米線平又足料咖。所以我有時都會去魚米醫肚。


奇行種

那天在公園等朋友其間,這個孭背囊男人坐在附近乘涼。本來無咩咖,不過後來有宗教團體向乘涼人士派傳單咁,無阻無撩人講野,派左就走開,都算係咁啦!不過呢個男人睇完張傳單後,好激動咁唸唸有詞,而且在撕毀傳單,後撕完再撕把紙搣得好碎再用力掟落垃圾桶度。真係好激動。

因為佢丟完紙之後行近班孩子,仲企住唔行望實佢地,咁我都唔睇書住,專心留意起呢個人的一舉一動。幸好他企左幾分鐘後轉身離開。

唔係我多心,社會上隱藏住太多「奇行種」,你唔知到幾時有個唔知被咩事挑起條筋在社區暴走咖。所以,出街都係多留心狀況好點。


SHISEIDO 131

支掃係好用,所以在店見到就買多一件,方便使用。


23.5.18

德美放題去

和品香友的聚會,品香,品茶,水晶…這陣子變成食食食之聚。哈哈,總之夠腳就圍埋食食食啦。繼上月觀塘之聚後,呢個月我們又去食,呢次去了上環。地點係J揀的,好笑係,這間店呀,我上整手飾班時都來醫肚,仲幫趁過幾次〔這裡介紹過〕,所以知道係好味。估唔到有機會來呢度放題,多謝令我有食神的朋友仔啊。

小店一間,所以好靜,沒有吵鬧的食客,而且座位都好舒服。

燒蠔個芡汁似沙律,甜甜的,好惹味。


刺身,刺身!


燒菠蘿真係好好味!







冷奴!





呢度放題,6半至9點。加上清酒〔冷/熱〕,梅酒任飲,絕對係三五知己食住串燒,飲酒吹水的好地方。

開開心心又一晚。

超七戒指

月前在風之森林見到呢款戒指,簡單又靚,合哂心意,已被同好賣了。所以托老闆幫我再入貨,要一枚。呢款係超七啦。


金蘋果

第一次買這元朗老字號…點解我會吃到鹹味?



22.5.18

旺菜薯仔甘筍炒蛋豬漢堡

想豐富係有代價。哈哈哈。

好似已背離了初衷。


豆蓉小湯圓

努力清緊書櫃和冰格的存貨。哈哈。

不過呢日慳得滯,落唔夠紅糖,結果好淡口。


21.5.18

熱狗腸 lunch box

講起來,既無半粒飯,何來叫飯盒?所以呢日我帶了個腸仔扒餐回公司做晏。哈哈,有條大碌芝士熱狗腸,跟薯菜咖,絕對唔係渣流攤啦。

午餐盒真係有D肉至有飽肚感,否則未夠三點就肚餓了。