31.7.19

永發

是日去油麻地上堂,加埋執D ad hoc 手尾結果搞到六點幾。。落堂後去了永發食早餐〔傍晚七點〕。。




黃金鮮魷無,改為椒鹽鮮魷啦。



係。。原來店家八點打烊,咬緊個餐時店已落緊大閘。哈哈。

阻人打烊唔好,雖然老闆娘同我講唔使急,但我都勁唔好意思。急急清空食物閃人。

電器貓

店長又努力在店前看貨!十二分好精神!你睇佢對金睛眼幾大!哈哈哈。


30.7.19

BUGIS.肉骨茶

和花見面,都有講講社會狀況。


福丼米線

店好似無做了,好似係業主收番。。

不知下回是什麼店。


好懷念這味道。

29.7.19

抓拍

沒有忘記!


亦不會忘記!

味菜定胡椒豬肚?

唔覺有味菜,胡椒也不覺有。。不過肚肚就好多。

人太累,買完個飯盒拎到返公司打開完全唔記得我買了什麼。

真係…


28.7.19

Kracie 2 in 1

雖然呢隻品牌呢個系列上回買的樽和香味令我心動,呢日我都係買過同系另一款試。左揀右選,買了這樽二合一的款,方便我有時早上匆忙得唔夠時間在浴室做護髮時可以用。

年紀大,頭髮真係無以前咁柔順,加上本來就唔柔順,不過以前懶唔用護髮素都可梳到頭髮,但依家洗完搓擰乾完全成個雀巢咁唔得。

呢隻無之前那款咁香噴噴。或者下次都係返兜那款。


Official Page :

上次  Karcie

今次  Kracie 

麵匠風龍

感謝食店之行繼續。呢日遊行前先到拉麵店咬個麵先。


係一碗湯也可以清哂的麵。好正!



朋友比我更快,來了兩回。我都要加把勁密密支持先…

27.7.19

夜鄉

月很圓。但未到十五拍的。


風燭殘年

話說有幾件年紀差不多也有過花甲的男藝人為執葉妖妖站台那天,我腦海就一直出了這幾個字。於是就寫下來。

祝佢幾個有此一天。


26.7.19

上流寄生族

因為不少人推介,所以早前〔唔係近個星期的事啦〕睇了這部電影。電影係好睇,但…

好恐怖。真係好恐怖。

Parasite

〔含令我不安的內容〕


我真係睇到好驚。當人沒有良知,不分善惡,純粹為自身的利益著想而動,真係跟寄生蟲沒分別。而恐怖係,片中父母跟子女一起動歪念偷呃拐騙穿堂入室完全沒有半絲罪疚感,那一副理所當然的模樣外,還不斷想得到更多,直睇到心寒。

我不安,係因為,相信世界上有太多跟主角一家同類的生物存在。

我知道韓國的貧富懸殊非常嚴重,可是,要搞清楚,「窮」從來不是令自己變壞變惡把良知推倒的藉口囉。

竹衣

那天去文聯莊,磨了一輪,感覺唔買D什麼就走好似唔係幾好。而且當時店得兩個客咋。

於是,買了竹衣。



25.7.19

安樂茶飯…

星期日行完回家,為免對住是非不分的男長輩令到「情緒有衝撞」,都係夜少少返去避一避。佇在街上一陣再去食埋個快餐至上返樓。


係。吃在721晚。

當時元朗未發生恐襲。

不要跟我斟酌「不是恐襲」。若一班為數過500,有名有姓有埋朵的社團人士光天化日可以手執武器周街無差別追打市民但無被拘捕,翌日屯元天三區的商舖都紛紛在下午落閘,由日至夜市面儼如死城一樣…這,不是叫恐襲還可以叫什麼?

721晚絕不是黑和白,善與惡的分水嶺。真正住新西多年的香港人一定好清楚。

所謂安樂茶飯新天地,都是鏡花水月。

吉豚屋

呢日好忙,起床洗晾好衫,先去元朗睇跌打,之後食甜品〔早餐都未食〕,見有時間去睇了場戲,跟住出九龍又去食甜品〔午餐都未有著落呀!〕,跟住去做 facial,八點,返歸前都係搵個正餐食食填下肚。

好充實。

哈哈。我指係個吉列炸豬炸蝦。飲埋碗據說會令人成晚眼光光的豬肉湯,劈埋杯提子特飲,好滿足又好飽呀。



24.7.19

命中率

呢單發生在上星期三。

放工前跟同事吹陣水,叮囑同事的水晶手鏈要清洗用水沖下〔佢手中戴住的是我送啦,驚佢唔知〕,講講下當然提及換線。咁,同事問我幾時先知道需要換線,咁我隨手就指著我手腕的拉利瑪同佢講,如果見到D線鬚鬚凸出來就表示需要更換啦。。

幾個小時之後,我回到屋企,例必先除下手上的手珠去洗…這條拉利瑪使唔使反應咁快,咁快斷畀我睇!?幸好在我習慣開住水喉伸哂手在鋅盤上除下手鏈,所以珠只落到盤內。

落地的話真係會爆裂…囧。

拍照畀同事睇。佢都O嘴。哈哈哈。

我的「開口中」真係好急好快。因為係無差別狀態,所以我盡量小心說話。太毒的話,留畀真係要地球消失的人囉。


洪祖師擔仔麵

在塱原落田後回墟,和朋友決定搵甜品消暑消暑解一下內火,不過甜品店找不著,人又累,於是去了擔仔麵店喂冬瓜茶算。

我劈左兩杯。朋友都係。

好熱。


23.7.19

Soap Replenishment

又到 replenish 阿梘的時間。在網上訂了兩件較便宜的梘。

5月時分享過,買了HimalayaDental Cream 來用。呢隻牙膏,係堅好用,僻味之餘,刷完牙口腔都唔會留下一口薄荷味,我喜歡,會再買來用。所以在 iHerb 買梘見有同牌子的梘,就買啦。

不過, iHerb 網頁無 Dental Cream 賣。而我呢,係當日在萬寧見做特價時買來試。

未用。暫放在公司檯面。


呢隻百幾年歷史超老品牌 Kirk's 一直想試,但呢個地球實在太多梘梘品牌喇。貪心的我已經唔重複用同一隻梘,希望有生之前試到好多好多。

十幾元就有交易的名牌,真係合我呢類一時手緊又要買日用品的人。

用緊啦,香料無乜,所以沖完涼唔會一身香噴噴咁出來。較適合男人同小男孩用。女生嘛,喜愛香味的,真係想無時無刻都帶住香味。

都好好用,用網袋搓都好快好多泡泡!加上沒有動物測試的認證,絕對值得愛動物人士大大力支持支持。

係咪?


Official Page:

Himalaya

Kirk's

Joe's

再來。不過呢日店裡多人。最好笑係鄰檯來了一對偷情男女。本來我以為係正常男女朋友,點知個女的突然唔知咩事戚起條筋,講了句「不如講下你老婆」…咦!乜料?

幾多角戀真係當事人都未必知,都係專心返我面前碟長通粉算喇。有意大利醋調味,入口酸酸地,絕對適合呢個熱得死人的季節。

正正。


22.7.19

譚仔三哥

朋友間有個超級粉,半受影響,都多了去三哥度食。話哂,日本菜啦。哈哈。


夜了在老廟

呢段日子,感覺很平行時空。


21.7.19

第四堂書法家課

睇醜醜又一撻撻的字就知心和身都不在狀態。


上字寫到我皺哂眉,好沮喪。


準備邁向一層樓…


寫寫下有點迷,會突然唔知自己寫緊咩字。唔知大家重複抄寫一個字會不會有這想法。

十八層…囧


層樓仲斷埋供添呀…陰公。係,呢日心躁躁的,放棄寫下去。


本來應該是這樣子的啊。


第三堂的原來未放上來。相都未執。嘿。

路人變成座上客

老冰室的一個店面設計,係把雪櫃當櫥窗去吸引路人變成座上客。

這天好熱,大安的雪櫃向街一面流哂汁了。


搞到好想劈可樂。。

20.7.19

Modern Stand Lane

熱到無胃口食食食,真係唔肚餓,於是喝杯涼粉奶茶,在舖度涼一陣冷氣算喇。

好濃的奶茶味。正。


好似高了

在灣仔正完骨,又去書店磨爛蓆。

升降機口,望住自己,感覺高了點。靚仔醫師話,拉返直條大陣,點都會高返少少。而且,人應該挺起肚肚企。係呀,腰腹挺前,咁上肢所有骨骼都唔使用力都正確姿勢,不必用力,整體對身體都好咖。

自戀一下,拍張照先。〔肥照一張〕


19.7.19

真係好無聊

五月下旬上過那裡一次,順手放低了錢之後,了斷。那句在旅程後期自佢口中呻出而我不止一次聽到的「財散人安樂」的魔音,應該完結。〔詳情我會另一prose度講〕

上個月佢在群組召喚活動參加者,無應。然後又召義工護關,都係望完算,無應機。或者可以講,完全唔想應機亦唔會理。才幾個月,伏還中得不多嗎?呢個世界無老馮囉,虧佢仲好意思使人免費為佢做事走走糴糴?真係當信任佢的人係傻仔來耍來使?

有D人,使人真係唔使本。

……

稍早,我在面書分享了某位宗教人士的 post 。那位好心,已安排方法,幫助不敢去醫院求醫的人,叫那些需要人士聯絡。

然後,半夜收到佢私訊:


黐線,佢知唔知自己講緊乜呀?呢類扮關心扮正義的話留番畀仲信佢的學生啦。

我理鳩佢丫。不過,明白啦,決定逢那個宗教人士的 post 都要按 share …是個方法。

後來,跟一班識佢的朋友講起呢件事和我這決定,話因為得佢本人確認,就知道「偏要做」來刺激佢這方法及方向正確無誤。

而那個宗教人士係咪如佢所講,老實,對我根本唔重要。作為一個公眾人物,如果做了這麼多卻是反道而行出賣信任投靠他的人,神明係會懲罰囉。

RHKR(V)

Nulli Secundus in Oriente 冠絕東方

1 Jul 97 前的任何官方徽號都非常非常漂亮又精神。


18.7.19

湯加

去完跌打館,又係醫肚時間。晚市時間,元朗好食的店已勁多人,等位我最怕。貴的不用等,但我又唔係餓到要無啦啦拎百幾銀出來醫肚。。天氣又悶熱,都唔想在街兜來兜去。最後入附近的「湯加」食淮山麵。

店的裝潢跟魚米好似,是同集團嗎?

雖然我愛食鮮淮山,不過淮山麵確是第一次食。哈哈哈。


可以。不過嘛,元朗實在有太多選擇了啦。

無印化妝品

嗱嗱嗱,我真係手痕,又買化妝品。

不過今次買平價的。。無印良品。

Base ,我覺得好用。


粉餅,Natural 色掃 / 印上面都好顯白。我膚色有咁黑咩?

囧。


要女人洗錢真係好易。只要放佢在商場。哈哈哈。

17.7.19

Rose Kitchen

前文講我在街遇上老師嘛,於是咱們就在附近搵間茶記食一餐啦。

囧,任程迫老師聽我訴苦水添。關於那人的事,聽到佢皺哂眉頭。

感謝她不離不棄,也畀了很多意見我。

要繼續乘風破浪。



Churchill's Pub HK

行過店面好多好多好多好多好多次都無為意店名,呢日人在對面馬路,終於驚見其中一間酒吧竟然叫 Churchill's 。嘩哈哈哈哈。本來想去吃個魚生飯即刻改變主意。


當然係食炸魚薯條啦。沒有爆檸,問有咩無酒精類飲品,於是揀了 lemon squash。喂,我一陣餐後係上去靚仔醫師度正骨呀。


書,當然有備無患啦。當時正刨緊《德古拉》。





店係英式 pub ,當然少不了有 Churchill 的圖片和畫像啦!正正。