Downsizing

雖然無睇 trailer ，不過都照入場睇 Matt Damon 的 「Downsizing」。不過，好多想法訊息想要表達可是套戲拍得超差。

〔含內容〕

男主角選擇 downsizing ，係因為生活環境迫人？定係一心想為地球出一分力？除了善良，他的人生真係無可取之處。而且好易受別人影響慫恿，個人又乜主見前膽性，連鄰居都睇死佢。唉。而他以外屋住有同社區的人物，真真正正為地球而 downsizing 的人係無。而且人性都係空虛墮落無乜道德。

甚至連引起的經濟，投票權問題都係輕輕帶過。

Downsizing 技術唔係專利咩？點解咁多國家都有這技術和藥物？

如果只要有筆錢身體又可以做 downsizing ，〔戲裡面男主角賣哂家當有15萬美金就可以做縮細手術在迷你世界過不憂柴不憂米住大屋買奢侈品的富豪生活〕，點解一個私營的 downsizing 社區裡面仲有咁多勞工階層為不同人服務？

仲有。。

想唔通啊。

什麼人可在末日後繁衍？電影狠狠地摑了大家一巴。

變成原罪，一身性病。

《很怕》．#4/18

21/01/2018。

在餐廳度刨完第四本書。因為係恐怖故事，所以早一晚才買到手，不到廿四小時就睇完。哈哈。

說真的。極短篇其實比長篇更恐怖，因為要精簡，所以沒有累贅的鋪排，直接入重點。反正嘛，當中有些故事，是真有其事…信不信？在我來講，我話唔信至奇。

別以為靈異故事都是消閒讀物無咩益處浪費時間，故事其實多涉因果論，用心去看，會得到道理。你信因果，就會驚。不過，受唔受教當然係另一回事啦。唔受教，點會驚丫。

世界，有時比鬼怪世界更荒誕。

好懶。今年為了70本，努力努力。

賞月

21號晚在渡船街那邊拍的。下弦月剛好在ICC上空。感覺很蒼茫。

3 Oracle Cards

上年結識的新朋友中，有幾個都係「貯牌人」。睇佢地分享外國訂返來的牌，搞到我都心思思想添置 Oracle Card，哈哈，果然係生命影響生命啦。在IG搜尋外國人在玩緊什麼牌〔順便梗係睇埋 tarot card 啦〕，見到幾套都好靚，心動不已。咁，買邊套好呢？因為唔想貯存太多牌，故此一直掙扎，拖住未買。

Tarot 唔熟，加上先前裝 Golden Thread Tarot App 後常常抽到令我情緒非常糾結的牌，所以明明好喜歡呢套牌都要忍手。

先買訊息牌吧。因為唔貴，而且好靚，所以買了3套。

一套 Wisdom of the Oracle 。非常漂亮的牌。而且解牌小書裡，每一張咭的指示訊息都寫得好詳盡。真係好好用。

兩套 The Universe has your Back。其中一套送到朋友手上。當日在IG見到其中一張咭係禪繞畫時已想到朋友應該喜歡這套牌，而我也喜歡像水彩像夢囈的色彩，加上我們都在努力搵緊自己的 universe ，所以我決定一人一套。哈哈。

朋友喜歡就好。

上心理學堂時，老師說每個人都係 unique 。即使 copy 出另一個自己出來，佢都沒有你的經驗經歷。每一個過去都成就今日的我，我是獨特的，獨一無二。好好愛自己。

愛。其實很簡單。

涼茶貓

去吃龜膏有貓店長熱情陪坐，萌樣加心心動作，好老實，我在溶化中 ~

仲有更多圖，未執。。遲D再放上來。

KENKEN

每次去太子補給，經過花店，指定動作梗係要望下 KenKen 小姐啦。呵呵呵。

貓午膳

很好的日照，街上所有景物都很鮮明。

貓貓你好！食少口煙啦！哈哈哈。

藍幽靈．Phantom Quartz

店主一展示這枚小小的藍幽，我已雙眼發光，真係靚到好似海底珊瑚礁咁精彩呀。由於坊間少有，所以好快就舉手話我要我要。哈哈。

唔好誤會啦。還是上年買的石頭啊。

福元湯圓

那天人在港島睇展覽，時間尚早，想去中南一趟，於是坐叮叮去了炮台山那邊。難得路過，都係去咬下湯圓先。來一客鴛鴦，一份糖不甩吧。呵呵。好味。

不過，薑湯夠辣，惜不夠濃。。還是，喝多了濃味的薑茶，反而不慣這稀稀樣樣的薑水？

蓮花健康素食

去到油麻地，唔想食得太甘，於是去了素食店吃了個 set lunch 。不過，我都口痕叫了一碟酸齋，結果埋單齊頭HK$100。

錦鹵炒麵，第一次食。哈哈。點解呢一餐咁酸。嘩哈哈哈哈。

好味。下次再去。

押花

之前 post 個蠟燭，裡面的滿天星押花係我自己整咖。那天去太子買材料，順便用廿元執了一紮滿天星，回家第一件事就係整花。真係挑戰自己。把花剪下來，按喜歡的形態壓扁〔出汁〕，然後放到微波爐叮，之後又要一朵朵捏起放到膠兜度風乾〔應未乾透〕。以為滿天星細細紮，可是一朵朵咁樣剪出來其實都幾係野…加上每次整的份量真係有限，結果，小小勞作變成大製作，一條友在廚房忙左幾粒鐘，又叮又剪又夾，結果全程一頭煙咁啦。

都係買現成的押花好了。

當然，見到成品都係好開心，只係，唔通粒粒蠟燭都係用佢咩。哈哈哈。

後來嘛。找到幾間店有押花賣，有扁身的，也有純乾花。正。唔使做到隻野咁。你知啦，逐朵花壓扁的工序，都係時間。我寧願畀多少少錢買人地整好的成品啦。

哈哈。

咪住。。我梗係唔止整咁少，話累話累，我前後都整左幾晚呀。嘩哈哈哈。

天上的雲

咪以為我愛礦物，愛天地，愛花花草草咁呀，其實當年讀書地理科成績好屎，常常唔合格。真係好氣餒。地理科D英文生字名稱多又長，好難熟，更難背。真無眼睇。

人生，真係好難估。點會知日後的我喜歡大自然世界到儲石仔，又儲下靚風景相，又撚下D花花草草丫。

Anyway…

呢個係咪高積雲？好靚。

好靚啊。

全程在車上拍咖。

台灣宜龍茶包

和朋友飯局湊巧約在佢旅行回來之後，於是，帶來新鮮的茶包。一人一pack，10小包9個味道，正。

這隻金萱，泡出來有很濃的奶茶香，比以前飲過的金萱更濃烈。唔受得奶，卻愛聞奶茶香的，可以考慮這個啊。正。

目標為本，這陣子都係慳錢唔買唔飲凍檸茶，也盡量唔泡咖啡亦唔飲出面的咖啡。連返工日子也是買麵包，回公司泡茶泡存貨。哈哈。

加油。

這十包，足兩個星期的工作日飲用喇。哈哈。

多謝。

宜龍官網： www.eilong.com.tw

牙刷．牙膏

補購日常，家中的牙刷用了半年喇。在十二元店見到，咁平，good。

係。牙膏都真係用哂，所以又補。試呢個先。D味唔薄荷，我喜歡啦。

髮廊貓

『望咩呀你！』

佢個表情真係好搞笑。

蠟燭

在12元店，買了一瓶蠟燭試下先 ~

唔覺有味…其實有無味咖？

星廚

那朝早剛好有生意傾左一輪仲 payme 收埋錢，下午又要去太子辦貨，找到有開足七日的大南街寄件站，順道去寄埋兩份件畀客先去辦自己貨啦。取了貨運單，但無地方畀我好好的寫資料，自己又未食晏，所以匆匆忙忙去了星廚。因為是下午茶時間，而店子又無下午茶供應，怪不得客不多。

呢間係好味好食，朋友介紹咖。我之前都食過。不過唔太餓的情況下吃一個 set lunch，真係好飽。

好耐無食紅豆雪糕，好好味。

美滿

時菜班片炒河。

好味。其真我真係好喜歡食炒河。哈哈哈。