六月三十．跳跳蛋

長輩外遊，早晚打針的工作由阿桔負責。假期要較鬧鐘起床是件幾大考驗的事，所以，為免賴床睡過頭，把手提的鬧鐘設在八半，一響就要急急起床洗兜餵蛋食食依準備打針事宜。

蛋伯也餓了，所以一見阿桔離床都跟著出廳，在廚房不斷在腳邊轉纏強烈要求新鮮食物！牠要在腳邊親自監督睇實阿桔把牠兜裡頭已嫌棄的食物全數撥到垃圾桶裡，然後就在廚房打轉催促洗兜的阿桔手腳快尐。佢埋席又繼續叫阿桔快快開席。。

食過，打埋針，善後完畢就不見了貓在腳邊。。

房的冷氣仍開著，原來，蛋已跳到床上擺好爽爽的睡覺姿勢享受冷氣。。

蛋的兩條後腳自從病後都無乜力咁，佢開餐，有時會見到後腳跣著滑著非常不穩。反應鈍了。所以見佢竟然自己跳到床上睡，忍不住高興地讚一下牠啦！

當然，有時牠是故意留力。。早兩晚牠就表演「在床上直接跳落地」！幾牙煙呀！