變種的龍貓

昨午去了海港城為了是日正式開業的橡果共和國睇龍貓。。點知，發現龍貓一抵步此城，就極速變種，龍貓尾像月圓夜孫悟空條尾咁增長咯！

真係，應「光」多不會「顧」的客打了兩大個圈，龍貓尾竟去到草莓店那邊才見到！這條龍貓尾上足足有百九幾人。真係癲！

而貓店外，也人頭湧湧，輪門邊隻大龍貓公仔拍照。。

星期五的下晝就咁樣，不敢想像週末週日及公假的賓墟盛況會如何。。

在面書放相，估不到湊巧有同事一樣放假亦都差不多時間在店外兼被條龍貓尾嚇窒退堂。哈哈！

至於大王，得知前頭部隊的阿桔匯報了現場情況之後，雖然傍晚又再二〔晚膳等位前和食飽之後〕看看環境，但最後還是不得不丟低幾句粗口就走。嘿嘿嘿。

嗱，Donguri Republic 在日本周圍都有，港人至集中的東京及大阪都有。飛唔到去，此港口亦有不少賣橡果精品的店。想買印有龍貓的瓷器，老銅的崇光裡面一家瓷器店多年來一直有陳列亦發售，但未曾見人瘋狂搶購。而其他系列精品，亦散落於不同的商場精品店，識途的應該知道去邊度搵到囉。就好像旺角潮特就有間啦！

嗱，好老實，買過橡果產品的人都知道產品「偏貴」，一把摺扇分分鐘索價百幾二百元，真係唔夠大眾化。

奇在大王昨日都抱持阿桔都有的一個想法，就係唔知這香港這店在人們熱情冷卻後捱唔捱得住。

還記得那些年「無印」也曾全面撤出香港嗎？還有曾一時風光到在皇后大道開店的猿人。。

個人，係好希望這條龍尾到大埔那片龍尾都守得住！