以普洱茶會友~

呵呵，今日無端端被茶水間姐姐拼配了兩位普洱茶友。哈哈，兩位其實都係同部門的同事。儘管相信一個部門百幾人總有知心友，可是有些個人興趣，阿桔還是選擇低調地進行。例如泡茶，都係揀茶水間無人時先去洗壺泡茶，有同事進來都係打個招呼就算，不必太多交流。曾有舊同事以「不問世事」來形容阿桔，哈哈，做獨孤精有時是要承受代價咖！

泡的茶，之前有斟過畀茶水間姐姐試飲，所以今日有同事A拎著不鏽鋼茶罐去沖普洱後，她們就談起了阿桔，茶水姐姐還說阿桔的普洱好飲。亦因為咁，同事A就走來問阿桔普洱的事。同一時間，有位同事同好也走過來研究。同事A飲的是散茶，加上曾有位有米同事贈了一些三千四港元茶餅的普洱佢試，搞到佢一直以為茶餅好貴。亦以為阿桔的普洱茶餅一樣咁貴。哈哈！阿桔說飲緊的茶餅才百幾元一個，但可飲成五十日多，都好味哩！

聊著聊著，就介紹她去蘇記睇睇，因為老闆母子很有心去教想飲茶的人。

當然，還說，放在桌上的普洱，她想試飲的話是無任歡迎。而阿桔日日泡的茶，她想飲的話只要加熱水落壺就可斟來試。五克左右的靚普洱茶葉真的可泡七八杯都仍色香味俱全，阿桔在公司頂盡都係六杯〔保溫暖杯的份量喎〕落肚，不想浪費茶葉，絕不介意和同好一起邊飲邊比較茶的味道啊。

這是阿桔執畀阿花試的茶。。阿花都畀了些佢買的阿桔。。交換交換。