熱情的蘇記茶莊

幾星期前阿花話長沙灣有間老茶莊叫「蘇記茶莊」，不過佢都未去過。長沙灣有間茶藝樂園阿桔就知，蘇記？網上看資料，原來茶莊在飲茶人士口中都出名咖，且有六十年歷史。因樓宇要重建而搬了數遍。想來，以前可能經過，不過上世紀的事，加上無幫襯過，無印象啦。而這天到這爿店，在郵局後兩條街的青山道，呢邊真係好多年無經過。。

本來話約埋一齊去，不過暫時未約到，而阿桔一來閒極無聊，二來想買些茶，所以先行一步。。啋，哈哈，係做先頭部隊，一個人去了蘇記一趟。

總覺得老茶莊對阿桔這類青年〔四十以下都可選傑出青年〕入茶莊買茶是蠻熱情的。這天，才踏進茶莊，老闆蘇先生和蘇老太就一同招呼阿桔這個生客。哈哈。買普洱。蘇先生即時介紹一個百五元的普洱茶餅，說飲得過，曾有客人一口氣買了三餅哩。基於阿桔認為「幾十年老舖唔會為賺蠅頭小利而欺騙顧客破壞家業和名聲」的大前提下，沒有理由懷疑賣了幾十年茶葉深得街坊老茶客稱頌的蘇先生的推介。哈哈！

蘇先生還以百三的價錢賣這茶餅給阿桔哩！拍板之後，蘇先生母子問桔識不識開茶餅呀。『不懂，且沒有工具。。需要用開茶刀的嗎？』對於開茶餅，果然無知。結果嘛，蘇先生即時用個盆，一步步示範開茶餅。喔，搵個批做工具就可以開茶，之後用手掰開茶葉就可，不必刻意去。蘇先生一邊教桔開茶，蘇老太就從盆中捏起一塊，跟桔說『這個份量就夠泡一天飲的茶，太多就浪費』。還有什麼開茶時要注意呢？記緊要手乾淨和乾。如有吸煙習慣，手指有煙味，就要注意咯〔沒有啦〕。

當然，蘇老太就如雜誌訪問一樣，客人買茶後不忘叮囑勿把茶葉囤放在廚房。明白。

走的時候，蘇老太還笑著跟阿桔揮手再見。

呀，其間阿桔有問過叫「康磚」的茶，不過這裡沒有。而另一款想買的「六堡」，見到店架上的不鏽鋼罐有寫著呀，不過蘇先生說內裡的不是六堡，放了幾十年的陳年六堡被收埋珍藏咯。要三百元一兩哩。嘩，好貴！不過仍有相熟的老茶客走來買，買少見少，近年的六堡也唔得。可能見阿桔講得出六堡茶，他竟肯賣陳年六堡畀阿桔，要就去拎畀阿桔喎。不過，一飲就愛上就真係好大鑊前提下，最後沒有買來試。

嘻嘻，其實掙扎中啦。

蘇先生很細心。他在名片上寫了阿桔買了什麼茶，方便翻兜時拎出來他便知桔要買什麼茶。真周到。

後來和阿花在計數，茶餅一個357克，150元。每天泡茶份量是5至7克。假設阿桔每日取這份量泡茶，一個茶餅最快都要50多日才耗掉。而且，計落每日不用3元就可泡一整天的飲用量，超抵。

因為咁，同阿花都覺得，可以買貴一點的普洱試。呵呵！

這是一部份，其餘的盛了一瓶給阿花試。

下次再去買先，因為無同個茶餅包裝拍照，真係唔知自己買了什麼。而且，還有普洱以外的茶想買來試。

放心喎，當日回家就即泡這普洱來飲，桔媽試過一次後，再三同阿桔講，百五元一餅咁大包又夠味，真係好抵飲。