怪癖Chain Post

哈哈哈，突然被Shizugi 甄選成為新一輪 1/5 五怪。。癖之揭示者。。咁我就不會手下留情，盡力數算自己有五樣什麼的怪癖。哈哈哈！

怪癖五 – 頭髮
既不喜歡人家攪我的頭髮，所以一年都入不到一次髮廊。而且，極不喜歡有頭髮「撻」住塊面，覺得好髒！所以 gel 得就 gel 。

怪癖三 – 睡姿
跟 Shizugi相類，我的睡姿也相當驚人！細時和同學仔去camp，我必會採取「死屍睡法」，即伸直哂手手腳腳同腰板臥著，動也不動地睡到天光。近幾年變了喜歡趴著睡，仲要手腳撐開，唔好掂到先能入睡，情「形」就好似趴底的綠燈公仔咁。哈哈哈！

怪癖二 – 著高跟鞋唔識行
有五呎八吋高的我，日常都係著平底鞋。。高跟鞋再靚再想著，都無福消受。因為著了有跟的鞋子，我會寸步難行。真係！試過勉強自己，但攪到腳趾甲都斷埋。哈哈哈！不過，依然會繼續買來一雙兩雙放個一兩年再扔掉。

怪癖四 – 喜歡同隻貓。。
嗌交啦。。佢一句我一句，鬥長氣。
Hide and seek 。。基本上同佢日日玩。佢叫我去廚房畀食，我偏轉入廁所令佢再三搵我搵到發火。。
打交。。搵東西撥佢面撥多幾次佢就起手打我。
拉貓尾 。。 每次一拉佢就翻筋斗。。好玩
睡覺。。一齊睡覺。Sofa 睡，床睡。。一起睡覺

怪癖一 – 呆企
喜歡在乾淨的廁所內呆企。。家中、公司。。企到雲遊太虛咁。哈哈。。通常在不知不覺的時候就呆了。。呀！當時我個腦係一片空白，沒有想任何事。哈哈哈！好似時間停頓。。哈哈哈！

好！寫了五個怪癖。。如果你們「車！咁都叫怪！」我也沒奈何。。不過，下一批五怪，將會是。。

〔登登登登。。〕
1/ 楚 君 –
2/ Wilson 君 -
3/ 香港仔 君 -
4/ Carrie 君
5/ Sputnik 君 -

恭喜哂以上獲選的人士。。

喂喂喂。。歡迎參加啊。。哈哈哈！