睇唔透的番茄薯仔湯

話說有晚晏了點到街市，檔口都收攤收得八八九九，就只買到兩個番茄兩粒薯仔打算滾湯。

上到樓，阿長輩八卦我買了什麼。咁我問佢飲唔飲番茄薯仔湯。佢話飲。咁就由佢翌日滾個湯 share ，留碗畀我得喇。佢話買豬骨，我反對，話怕骨碎（唔好玩我啦！），買豬肉片瘦肉那些就可。還好慎重叮囑他不要落鹽，我的份我自己調味就可。

翌晚……我見到湯鍋裡煮到好熟的芫荽，還有湯煲旁擱著未洗的鑊鏟？暈得一陣陣。明明有湯勺……謎之操作。

因為知佢一定用鹽醃肉，所以碗湯不需再加鹽已夠味。（事關上次火鍋，他準備的魷魚就因為重鹽醃過，到打邊爐食之時，鹹爆。還有那碗芹菜豬手……）

可惜因為用了芫荽，番茄和薯仔湯原有的香味完全被芫荽搶哂變成芫荽味……其實可以加大豆芽，可以加腰果，可以加豆腐……但點解偏偏係加芫荽一起滾湯？即使想落芫荽，可否在關火前才灑少少碎上？

佢話落芫荽好味好多。

至於佢奇怪我點解唔落鹽，話唔夠味。我答佢，肉醃過，所以個湯也夠味。佢跟住又話肉一定要醃過才不嚡口……其實佢忘記了火鍋肉全是生肉就咁放到湯中，全沒有醃哩……哪嚡口？

謎之對答。

Discrepancy 。

🍅🥔