十二日

雖然我有煮食，但好多時用剪刀剪開剪碎就快靚正。例如金菇紅棗那些，用剪動幾下就可。星期一晚洗完碗後，心血來潮拎個砧板出來望一下狀況……個心幾乎離一離！嘩！才十二日，點解可以咁傷？！

唉，話就話日用品價值係使用而非用來陳列，可一個只識乜肉都用蠻力斬開的老人，點會唔識戒慎珍惜擏錫物件？除夕那晚見到新砧板問完要二百幾嗌貴，可是使用時就大大刀落。一塊木板咁快咁多傷痕，摸下去條條都係坑（嗚嗚嗚），就咁睇都見到明顯的深 v 坑紋，有仇咩？

泣血呀我。

好痛心。

嗚嗚嗚嗚嗚嗚嗚嗚嗚

突然記起長輩坐女婿的寶馬，下車時當正坐的士咁大力閂車門，我目擊全程都嚇一跳，當時係架車辦好一切證和保險可駕出街才幾日。我肉赤。後來，還直接在女婿前出聲嫌車身低，坐得佢唔舒服，上落車都不便。我妹谷氣又唔可以指責，係之後嬲爆爆講返我知有呢件失禮事。

常自詡食鹽多世面見得多的人，常常丟了臉也不知，都唔知呢種係幸事還是咩喇。

唉。或係我睇唔開。