買菜菜菜菜……

近收巿去菜檔，謙虛求教這是什麼菜，咁，菜檔就以「十元」賣了攤上幾堆菜給我。數數有什麼：四棵豬乸菜，一紮芥蘭苗，一兜白精靈菇，四棵芹菜……

全鮮，無黃無蔫，好癲。返到屋企都忍唔住拍照畀細佬妹估估袋菜多少錢。

貴人處處。

互惠互利，找贖完都開口祝檔家新年快樂。

長輩見到我一大袋菜，佢都驚訝。聽完我講這袋只係十元，就更驚訝了。佢話芹菜好貴一棵，佢愛吃，但唔捨得，除了飲茶捨得，平日花佢幾元都左度右縮。好啦，反正我根本吃不哂咁多，而佢又好芹菜，就叫佢拎去煮菜啦。佢開心子。

至於我請教菜檔的菜，其實係君達菜，又叫豬乸菜。果然好甜，好好味！

這夜清埋剩下的一條長腳蟹柳和一包生根，都是早前的火鍋料。

配這天的菇，兩棵豬乸菜，一棵芥蘭菜，一包辛辣麵。飽。