越式春卷湯檬

這間店的店名唔開喇。

話說當時入去得兩檯客，一檯在食緊，一檯只係早我少少時間入內未點菜。就在點菜前突然有隻大強在假天花上跌落附近檯面，食緊檬粉一檯的一位女客目睹整個 free fall 大叫起來，幸好大強墜落的那檯及左右兩邊都未有客，否則一定嚇破膽。大強在檯上唔係好郁，不過當時那剛入內的兩位客人即時嚇窒離開，陰影面積看來頗大。我雖然好驚，不過因為不是坐在假天花下邊〔風口下，囧〕，都唔想郁…於是點碗檬粉快食快走。

至於隻大強…店內有個女樓面，拎張紙隔一隔，就徒手捏著隻強入廚房啦。

寫到這裡，明唔明重點在哪？

很多人會輕視其他看來「屬下一等」的工種，尤其是對服務業。我想說，換了你，你也未必可勝任。你可以一個人托住幾個熱餐嗎？你可以對住D仆街客人還能保持情緒嗎？因為我每天都要幫趁食肆，真係見到好多光怪陸離的事，也見到不少傻人。幾乎多到可以出書。

聽人講過，在辦公室久了，會唔識得真實社會的生存方法。我望著侍應的工作，捫心自問，真係做唔來。

從今開始，多點尊重每一個在職場中努力的人吧。