東菱玉．Aventurine

水晶店搬個大場，老闆邀了谷友先上去暖場，玩了這麼多天放題，又等緊新場新貨〔老闆一直在 whatsapp 度放石頭相刺激緊大家的購物慾〕，大家都好期待。

各有原因，這晚上去的人有八九個，大家入到店都嘩嘩聲，600呎的新店雖然不是塞滿水晶，可以這個大單位還是十分壯觀。

都無正式打招呼認下人，大家都好開心地研究石頭。

除了已有目標的新石，老闆也入埋我先前托佢訂的東菱玉手鏈。哈哈，佢幫我拿了件高階版，即外間稱佢為「綠草莓」仲標到好Q貴的東菱玉。當然，佢都係以優惠價賣畀我啦！同時，店裡的朋友也要埋較細珠的東菱手鏈。

真係識我的朋友早幾日應該見我在FB留了一番話：

畀咗樣嘢佢佢覺得cheap多數放埋一邊〔咁對佢〕。後來佢見我有，我就話佢知呢樣係「財富之石」，佢就即刻拎起佢件嘢戴住。我想講，財富唔係淨講錢錢錢…朋友，健康，智慧，貴人，開心，順境都係財富。

呼之欲出是誰啦。東菱好便宜，也許不是真玉真翡翠，所以我很多時入佢房晾衫都留意到那條東菱被放在玻璃碗裡。自從星期五晚我回家沖乾淨這條東菱放在檯面風乾而佢發現後問我「你又買了一條？」，咁我就乘機話佢知呢隻石係好東西，係財富之石。嘿嘿嘿，佢打後連續兩日都戴住出街啦！所以，有貪念的人，真係好現實哩。感慨的我，只能在網上呻幾句囉。

被錢蒙住心的人，原來真係看不到財富早已在手中。

可笑又可悲。

唔講佢喇。

幾日後，發現有彩虹！嘩。