咳了很久……

之前咳了幾個月，一直斷唔到尾。有睇過幾次西醫，吃咳藥水，或止咳藥丸，還有清痰的，遏制氣管過敏的，都依然在咳，喉嚨一痕就咳，痰積在喉嚨位，咳唔出。（所以看食食圖就明顯係放任有戒口無戒口，吃凍喝辣😔）有日，扚起心約睇朋友介紹的中醫，但見醫師前一天，咳嗽嚴重了，而且感覺到有炎症狀，所以取消了看中醫，急急搵個西醫看。

不想再看之前那位，醫力不夠。就臨時隨街找，估不到遇上細心問診又好仔細的西醫。由於咳了快半年，醫生都開了抗生素還叫我去照照肺。（因為之前一直喉嚨痕癢咳所以肺一直🩺過，無異常。直到有發炎症狀）

食五日抗生素加三日藥，完全止到咳的話，就係仙丹神藥。所以，之後，為了照肺，所以去睇街症。

睇第一次睇街症，醫生只開了阿摩尼亞和化痰藥 Bromhexine，還出紙畀我去醫院照肺。

當染髮劑都不用阿摩尼亞成份，要喝的阿摩尼亞，堅勁，亦堅難喝。

星期二去醫院照肺，星期四傍晚收到門診電話，話醫生睇完片要我去睇醫生！啊！乜料？感覺血壓上升了！第二次街症是另一位醫生，超 nice。片係睇到我有肺炎未清，不是肺結核或其他不可言說。放心哂。Mind you，要吃抗生素，也開了阿摩尼亞及化痰藥畀我。由於我話之前私家醫生都開過抗生素，咁醫生問我記不記得抗生素名字。有圖為證，所以在電話相簿摷返張相畀醫生睇，佢就話都係開這藥給我，要吃五日。

是 Sondoz 製造的 Amoksiklav 1000mg 。私家診所和醫院開的包裝不一樣。私家診所開的包裝上印上 Cyprus。詳細可 googling ，有資料。

阿摩尼亞……每次10ml，千辛萬苦喝光一樽，現在清緊第二樽。苦口良藥。起初有反艇感，要吃糖果中和口腔的阿摩尼亞味，但到第二樽，已化境。怪不得這叫「馬尿」。

這是私家醫生開的藥：五天量的抗生素 Moxiclav，還有一堆色彩繽紛的藥丸，為咳到灰鳩的我提色。當中有化痰，止咳，抗敏，胃藥咁。

這個 Levozin Syrup ，私家醫生開了三格藥水給我。藥水是透明的，看著像清水。

咦！原來隻抗生素可對治不同症狀，除了肺，還有耳，皮膚……

怪不得感覺皮炎好了點。

😼

呀，醫院開的藥水樽係本地品牌紅A……

😷