手帳。0310。不忘去賞花

早上先去了辦事處交企缸水嚨頭費用（嘿嘿， system 仍未有資料，職員要搵返負責寫單那位同事先抽出我份文件做 data entry）。

放低幾百，跟住梗係去搵地方咬個早餐。再去天水圍公園走走，看看有無花樹木草可拍。呵呵呵！收穫甚豐，但好似到現在六月中也未放哂上來。有梅花有櫻花……囉。

中午回程，上樓等維修師傅。幸好又不需呆坐，兩點後不久就上樓換零件。

The issue has been fixed。

咁，又 pop out 啦，呢個時間，去鐘乳石圕靜靜地又有冷氣又有舒適的沙發，用來消磨時間最爽。

🌺