手帳，0319。錯過了的時間……

這早等師傅上樓更換企缸水龍頭，打開 app ，搵片睇住等。 Bleach 以前有睇，最喜歡平子真子，但好似看到解決了藍染之後就無再追看。 Netflix 有動畫，再 googling 一下，這動畫有 17 季，目前 366 集。我扶額，覺得無動力。以 25 分鐘當一集計，基本就要用上 9,150 分鐘去睇哂全部。一百五十多小時，還未計之間需要消化劇情的時間！

感覺有點……啊。

就在啊緊，也剛點了第一集播放之際，師傅叮咚到達，真好。換了 faucet，當然閃人啦。咁，追劇之事，又擺埋一邊了。

講起換 faucet ，老人家一見師傅修好離開，就心思思去剪綵，咁，我叫佢去檢查，佢摸摸又開水試完後，拎出換完後留在地上的花灑和軟喉管，話個師傅咁奇怪，帶走個水龍頭但又唔拎埋個花灑頭和喉……我回佢，可能係指明要交回一個壞的，去證明有做個一換一的更換工程。心想，若每單更換工程後都不須交出一個壞的水龍頭或部件，日子有功，就是一個「偷天換日」的偷雞機會。這個嘛，心想好了，不必向老人家講。佢諗唔到，講佢知佢又周圍講，就煩。

哈哈，出到九龍，剛好夠鐘食午餐。