手帳。0105。戇人無處不在

寫 blog 見到一月手帳用上這幅圖，想起二月尾發生的一件，因為不想顯化就好似無寫落手帳的事。

事緣係有朝見到陽台放住一樘A字鋁梯！做乜要擒高擒低？仲要整樘梯來擒？都八十有多在屋企擒乜玩什麼？心血少白髮增的我問究竟，咁，個老人家話廁所天花的去水渠好似漏水，所以問人借樘梯企上去睇睇摸摸係咪真漏水，兼有無滴濕個櫃。

佢唔識凝析，所以就亂來。我話個去水渠無漏水，係沖涼後的水蒸氣液化。佢又駁嘴，話天花的石屎觸手係濕的，覺得係漏水……我即刻揭佢「即係已經擒過啦！」，咁，佢又再迴避了我問他為何要趁大家不為意竟借埋梯日頭在屋內擒高這件事！我直接話佢平時出入都用手杖，在屋企都好順手扶牆扶櫃按檯去借力，又話膝痛，還走去借梯擒。唉，我忍住好多狠話啦。一日樘梯未還未退走，我不可以講太白。

而且，我其實好想「小」那個借出梯子畀佢的智障。一個要篤手杖目測都有八十多的阿伯，那個人竟敢在預計他會擒高的情況下依然借出梯子而不婉拒，不是智障難道係愛？若果發生意外，梯子就成了被追究的理據。這非後果自負的問題，那個人真的跟長輩係物以類聚。如我直接在老人面前「小」呢個人，老人一定氣憤我羞辱佢朋友。豬有豬格。

若細佬知道一定會對住長輩吟……我出過聲就不想撩大件事，變成老人遷怒我講佢是非，故此就沒有向細佬提及。

唉。

後來有同朋友呻呢件事，都係直到不再見到樘梯之後。至少，我無咁心血少，回返血的狀態。一日有屋企見到樘梯，一日都不太安心。

💦