循環

知道茶記掌廚水準，就會研究比對一下每日菜式。

黃金冰室係有小菜食，選擇都多，不過入去的，不是嗌例餐就是嗌檯面餐紙上的選項。因為小菜在餐牌簿內。無乜人會叫店員搵本簿來揭揭。奇怪。

608無晚巿。下午茶餐選擇甚多，水準都好穩定。

六和有小菜，晚巿有火鍋。如我通常一個人入店，晚巿都覺得阻人做生意，幾尬。所以通常都係下午茶尾聲前入座匆匆咬完就走。

圖是小皇子的晚餐。白菜炒豬頸肉。不是小菜餐，是每日例巿晚餐。那天望到有炒菜就揀呢間啦。正。

人在觀塘的話，慣性會走勻幾間店，看看有什麼 set ，再決定去邊間開餐。

講起炒菜。記得有朋友分享過炒菜的事。以往道聽途說話炒菜無益，灼菜淥菜比炒菜好。後來聽到，因為地理環境和日常食飲食習慣，這漁港的人擁有「濕滯」的身體太普遍，以五行來講，過過火的炒菜反而比清水落片薑的灼菜好。我寒又濕，以前問過中醫師，佢係鼓勵我多食薑，熱氣食物根本多食都無問題，咁就變相縱容自己會多吃炸薯條（今午才吃過），薯片咁。哈哈哈。

之不過，每個老醫師懸壺多年都有其一套經驗和理論，真係病人自己實踐才知邊樣吃才對。

講到底，都係均衡飲食，戒絕凍飲，戒白糖，少鹽少油咁。

蘇軾當年就係放任自己，唔均衡飲食，狂啪凍食得急病而逝。

適可而止啦。