記。0905。全因為你變出百樣喜

無啦啦將睇緊的資訊中文介面手痕轉去英文，竟然有個驚喜大發現。😂😂😂 戳中了笑穴，人在工作室忍不住大笑。趁人未走，抄錄下來先。

今天仍保持咬些知識滋養腦袋的生活態度。純吃喝完成再去玩樂的日子真的不合我。

所以哩，今早抽了睇故事時間，好認真咁睇片，了解冷氣機個 remote device 各按鈕的功能。

工作室的冷氣用東芝機，個 remote 勁多功能掣。以前不會在工作室太耐，所以只知開關溫度風速風向就算。這幾個月留在工作室的時間長，未到口中午人就覺凍……加外套都凍，有時索性落樓轉轉，解凍自己。若熄機又因無窗 poor ventilation （勁怕飛蟲的我當然揀了個無窗的工作室）。租了幾年，終於扚起心去學用冷氣機個 remote 。原來有得 set 好多功能。哈哈哈。

有心唔怕遲。