5.10.24
4.10.24
記。0904。怪事何其多
跟老友見面,自己能力未逮無法看到御度,可是見到佢精神爽利,飽滿都好開心。無沾無名病痛無招古怪事就好。
見面又係聊一些怪力亂神之事。佢有話我知,佢會和親友分享一下在我度聽到的奇怪事,佢話大家都聽到好開心。我明。
後來,有幾次見胞妹,都係聊怪力之事,不少好似係第一次聽。而且,事件係佢親身經歷,而地點就係我屋企……咦!
by 桔 at 4.10.24 0 - Comment
Label: PROJECT O
Thanks Spotify
October 新上架的驚喜。
兩個 album 都好愛。Pokémon Sleep 完全係卡比獸般無害,管弦樂很正。
by 桔 at 4.10.24 0 - Comment
Label: MUSIC
3.10.24
記。0903。Inktober2024
一期一會的 Inktober 在十月一號開始了。曾有年都湊熱鬧又隨大班網友參加了幾天,畫好就會放上 group。無乜根底的胡來,也玩得不亦樂乎。不過後來人際關係冷卻,翌年及後都沒有怎麼參與。不過,每年九月列表一公布,還是會望望有什麼題目,之後也會從 tag 度走看看世界各地高手的作品。看看他人對同一個字詞出什麼畫面,解讀,角度。
是個能擴闊眼界,轉變思考模式,提升繪畫樂趣和技巧的遊戲。
by 桔 at 3.10.24 0 - Comment
Label: PROJECT O
2.10.24
記。0902。I reiterated..
今次反眼的人不是我,我完全明白後輩被排隊的人瞪的那種老尷。
以前都擔心自己老了係咪都會變得咁自私自視招人抽。但,鄙視這種行為的「現在的我」,何嘗不是自視?而且,自己都知在社會中,其實需要隱匿了自己任性的一面。
糾結無意義,避得就避。在這時候,逃避絕對唔可恥啦。
፠
多言數窮,不如守中。
在三維空間減少互動,卻在二維世界侃侃而談風花雪月挑人毛病,算不算多言?
既從無交心,不懂怎去聊天寒暄。彼此真心累的演出,都係算啦咁。
😝
by 桔 at 2.10.24 0 - Comment
Label: PROJECT O
1.10.24
記。0901。Whataboutism
絕大部份人應該一聽到別人用「你有無家教?」挑自己都會即炸。
但我唔太清楚自己係咪一樣會氣噗噗。
話說前一日,幾個人拎住幾袋衣包出發去拜山。就在升降機內,遇到認識的街坊入𨋢。寒暄一番,對方問去邊,胞弟就話去探阿媽。相識一場,對方就問放在哪,遲些去拜祭。此時到地面,老豆一邊出𨋢一邊笑笑口應機,話到時唔好約佢打牌云云。乜料?以為好風趣?我喝止都趕唔切。失禮事小,人家可能棹忌,如果有什麼頭暈身㷫覺得被詛咒就真係水洗唔清。
拜完山之後去食晏。把手中的紙團丟去酒家門旁為打邊爐人士而設的 「煙灰缶」上。我喝止,叫佢把垃圾丟到明明置在附近的垃圾桶裡,話呢個係掉香煙,唔係丟其他垃圾。佢竟然唔肯,話睇過個缶有水,唔會燃著。反眼。因為我堅持要佢執,最後佢都有執返件件垃圾放入垃圾桶。
在酒樓,佢拎出個撻不著火的打火機出來,話有 gas 就可 refill 。怕佢在家亂來,加上打火機幾元一個,於是幾個人皆叫佢掉左去再買新的。佢一邊聽,一邊撻火……係酒樓裡。又阻止啦,因為裡面應該還有少量打火機專用氣,怕佢真係突然撻著個火。呢頭講完,佢仲恃老咁話個機無氣啦,還對住手掌撻去打火機,怪我們懶緊張……若然撻出火,就灼了手,這是酒樓……
而且全程個孫望住。
我哩,這短短幾個小時,對住一個 whataboutism 的老人,已社死輪迴又社死又輪迴再社死……
所以,如果有人用「你有無家教」去撕我,我諗唔到自己會有什麼反應。
前題係,我無啦啦做乜挑釁人?哈。
by 桔 at 1.10.24 0 - Comment
Label: PROJECT O
添置妝物
六月的時候入的妝物,拍照後一直都未處理。有些快用完,所以找返相片買出分享一下。
清了一缶面霜,粉底液又見底,要補給。咁,想試 CT 的粉底液和 Magic Cream,就在那個早趁路過店見未有其他客,就入去摸摸樽仔,之後自然就坐下來由 BA 動手化了右邊臉看效果。效果好滿意啦,整個妝好貼也自然,色較淺,但不會顯得不精神。準備入夏,一熱會臉紅,所以會考慮比實際膚色淺色少少就好。
結果係,入了一堆要用的。屋企有的就唔買住啦。
Anastasia 的粉底液適合我,我都用到呢樽粉底見底,確要補給一下。我用 160C。非常自然。
這個品牌的 base 易推又透。好用。
by 桔 at 1.10.24 0 - Comment
Label: ショッピング 2024
2024SEP。5 Books
唔計漫畫,九月入了五本書。
青山美智子的《我的禮物》。這是搜書時查一下作者就見到這一本,於是即放入購物籃。無懸念啦。
by 桔 at 1.10.24 0 - Comment
Label: BOOK
訂閱:
文章 (Atom)