實踐哲學workshop

之前在中央圖書館見有盧傑雄博士主講的講座，不過時間配合唔到，無上到啦。後來在一間品茶的 FB PAGE 見到有盧博士的哲學講座，當然即刻夾日子就報名留位啦。

地點，在 JCCAC 樓上。

這天原來係實踐哲學學會搞的馬拉松工作坊，一個接一個不同類別的 workshop 就在這房內進行。品茶，花道，香道，瑜伽，太極咁咁，最後係聽課…

我只報了最後一個 section ，我準時到咖，可是因為之前的 section 出現 over run 情況，我抵達時連尾二那個瑜伽部份都未開始。因為可以臨時加入，結果我就上埋個Yoga 。

唔清楚學會係咪第一次搞工作坊，不過 Yoga 部份安排都好混亂。在有限時間有限空間內，又要搬檯開檯移櫈搵位坐櫈定坐地更要點蠟燭點蠟燭點蠟燭點蠟燭點蠟燭點蠟燭 〔每個人都有蠟燭〕，係咪浪費時間呢？

最R頭係，導師話平時練習，唔用蠟燭的，可以搵著白紙中間點一黑點，凝神專注去注視…囧，咁使咩要搬位搬櫈搬檯去點蠟燭呢？

至於堂上教的腹式呼吸，這裡不贅。

之後，到盧博士的哲學課，得一粒鐘咋，真係好精華。

他這次講的是馮友蘭的人生四境界論。馮友蘭，睇返歷史，就知佢曾經靠過毛魔。不過，十多年前我上哲學證書班時期末的評分功課〔只能稱為功課〕，都係寫馮友蘭，至於我寫了什麼分數如何已經無哂印象了。總之讀了一年，證書到手啦。哈哈哈。

這是我在 workshop 匆匆 jot 低的筆記，是整理後的版本。在此分享。

就如我在IG所講，其實大多數人，都還是縱容自己活在自然境界。So SAD。