左手不是左手之一二

無啦啦在咖啡店整理緊課堂筆記時想起在道場聽課時師父提及的掌訣，講子位在無名指根開始計起的原因〔弊啦，兩年來一直以為在食指根計起〕，不如好好的畫下來吧！但我繪畫功力好屎〔即使以前上過素描班〕，點成功畫出一隻像手的手在筆記上呢？幾十歲人，幸好又蠢唔哂，識就地取材，就把右手按在筆記簿上用左手 outline  右手〔如下圖〕。嘩哈哈哈。

於是，順利畫出像樣的掌訣圖。朋友話手掌畫得靚，汗顏，其實只係按住劃線咋。

返到屋企繼續糾纏這幅掌圖啦。反正屋企文具和筆色多丫嘛。朋友話齋，多D色，易入腦。

望真幅圖，手指好潤好笨，於是幫每只手指畫修飾〔一定唔係潤飾，哈哈〕。於是，中指長了，手指也修線變得纖一點。Yeah ~

之後還會加點什麼上去吧。呵呵呵。