宗像屋

去石硤尾上 workshop，早D出去SSP行下食下，特在營盤街落車走過去青山道那邊找食。經過宗像屋見無人龍，恨了多年，於是開門睇下有無位。呵呵呵。

我揀了松．宗像丼。即使在網上見過又見過不動如山的海鮮丼，可是真正放在我面前將可食到，還是感到好瘋狂。

一丼三食，就在我準備間，左邊女士伸手幫佢左邊的食客取我面前的卡紙時，其針織衫袖勾住了我碟上一片紫菜，唔知道袖口黐了紫菜的女士還把紫菜壓到衫上，噢，片紫菜就此報銷了。女士有說她的丼未食，叫我可拎返佢碟上一片紫菜…即使係正常會講的話，可是此舉會唔會太古怪呢？我當然無拎啦，感覺好鬼小學雞。

呢個正。好滿足。