《黑廟》48/18

08/10/2018

依然係星子的作品，是「陰間」系列之一…

這本講台灣有「八家將」同「官將首」的民俗宗教儀式，都是由孩子表演。兩者形式以外行人睇好似一樣，但其實係兩種不同層次的地獄官員。直屬地藏菩薩。跟閻王和城隍等管轄的鬼差，無常等等又不同。哈哈哈，星子不以地府為故事場地的話，都唔為意地府的政治架構其實都好繁雜。哈哈哈。

因為香港沒有「八家將」同「官將首」，所以一路睇書一路都要上網找資料。

當然，故事既叫黑廟，就是講一間有問題的廟宇，而當中的負責人，就利用一些因品行或家庭問題失學甚至離家出走的孩子，以「八家將」形象去生事。當中還涉及魂魄出竅去不同地方幹壞事的勾檔。

條路自己揀，仆街唔好喊。一路睇，一路想記呢句話。

用自己條命去押注邪惡的事，唔會有嬴面，係返唔到轉頭，起唔返身，萬劫不復。

我覺得這書有教化作用。

推。