《蠱惑》46/18

02/10/2018。

那天在圖書館架無目的找書，經過倪匡一列，揀了這本。大抵係之前聽某師傅說真人真事唔夠喉，所以繼續被相類的題材吸引住。

應該是重看吧。當年住大興村時應該在村內的圖書館借哂整系列來睇。不過，隔了一整個世紀，再睇返竟有點新鮮感，睇到最後才 re-call 返一點記憶。雖然我有追衛斯理系列，不過一直都唔喜歡這個成日衝動魯莽的角色。當年都唔明白點解白素會揀中佢。係，哈哈哈，即使今日再問我，我都係覺得男主角只係四肢發達頭腦簡單的男人一件。

書中有兩個獨立故事。蠱惑當然係講落蠱啦。既然我聽過真實的事，對於憑空的故事，自然感到唔夠刺激唔夠味道。

當然，在上世紀寫出如此多詭異及離經叛道的故事，倪匡的確是華文界的王者。