好老土但又唔去一次唔得

如果不去亞坤咖央多士食件kaya toast，彷彿就沒到過新加坡一樣。真老土，卻是實情。何況我在此城也愛去土司工房咬佢馳名的生熟蛋。來到發祥地新加坡沒理由唔食一次，哈哈。

三十幾度仲要曬到甩髻的情況下，由酒店行去Far East Square外邊的亞坤食多士。坐低時已身水身汗。熱茶再好味再傳神，都無可能再灌入火爐似的胃，所以要了杯冰茶。

至於味道，呢度我想不必多作介紹喇，反正吃過的會回味那香口，未吃過的，去新加坡又一定會食。

可恨，是飲完杯亞坤冰茶太脹胃，無法再塞任何東西落胃，後來，團友轉入遠東廣場的Mr. Teh Tarik Cartel買馬拉拉茶，望著水蛇春咁長的飲品menu，眼大肚窄，唔想飲到胃出事，無奈放棄。

最後，我都沒有機會買這間店的拉茶來飲。〔悶〕