我完全接受唔到囉

據團友D在網上找來資料，Orchard Road有大大小小商場廿多個。各有所好，各有所求，最好兵分幾路，滿足自己之餘，又不必呆等在某店掃貨的團友。憑著電郵過來的一紙的介紹，大家都揀選好自己想去的商場和店舖。我就揀了3個特定的商場和店舖：New Urban Male〔盧廣仲的tee是這品牌〕，Forever 21〔一直想去〕和Topshop〔久仰大名〕。目標商場只得3個：去ION純粹為了拍張靚靚正門照；313@Somerset係最新商場，應該睇睇；而Orchard Central 係為了天台的裝置而去。

於是，義安城咬過榴槤甜品，大家在大街晃了一陣，就對錶解散。

平時鮮會走去行商場瞎逛的我，真的無想過由一個商場林立的城市跳到另一個商場林立的城市shopping。所以一解散後，先到Forever 21再到New Urban Male，睇完無心水，又無驚喜，原來商場又無Topshop分店喎，其他店又無興趣睇喎，咪即刻離開商場，到Orchard Central天台拍照睇藝術品好過。

By the way，第4晚團友知我仍未到Topshop朝聖，所以就陪我去位於ION地庫的分店睇睇。非常可惜，入到去，才見Topshop賣的女裝根本不是我杯茶。在我眼中，Topshop 和 H&M 的分別只不過是品牌名字。

況且，只可穿一季的「時裝」，我完全接受唔到囉。

不過，喜歡行商場愛購物的人，應該會喜歡這種非常密集又非常集中的「Shopping Zone」。