X-File之舊居鬧鬼

不知有幾多人有在家中遇鬼的經歷？我老弟話曾在目前住緊的家中見過對他笑的女鬼，阿媽就話好耐。。耐到蛋蛋仍未加入這個家庭前有時下午在沙發午寐的時候隱約聽到小朋友推椅子很嘈很嘈，阿妹就話有次深夜聽到有神秘歌聲，還悄悄看是不是鄰床的我發出。。

我分別為這三個人的事作解釋：
老弟自小怕黑，之前佢間房一隻窗都無〔木間房．個人要求〕，關上門漆黑一片還令人耳鳴，這樣像盒子一樣的睡房中唔見鬼就奇。當然，我更信係房間令人呼吸不暢於是半夜發惡夢。
阿媽的，半夢半醒加上大廈回音強勁半夢半醒啦。。唔算怪事。
至於阿妹，佢之前聽緊headphone咖。。

不過，十歲左右，舊居中，我的確見過一個鬼魂。

住豆潤咁大的公屋，夏天我們三姊弟通常開蓆打地舖。有一晚，睡至半夜醒來，竟被我見到一光頭黑影站在神檯的前面。登時嚇到醒哂，立即拉被蓋過頭，一心希望唔好被「佢」發現我見到「佢」兼嚇到顫抖。。小孩子嘛，抖了一陣，就睡去了。〔電影通常都係咁〕

後來，跟阿媽講起，阿媽講出，外婆在我家小住時曾多次見過這個光頭鬼在踱步。不過沒跟小孩子說。小朋友被「」嚇病好大件事咖。

外婆有一對陰陽眼，未過身前常常見到鬼。得到這樣的確認。。也不知該開心還是震驚。

有人話，雖然有安放土地和門口公公，可是祖先是有特權可以進出後人的家居。不過，這名光頭鬼真正身份是誰，為什麼在屋內踱來踱去，就不得而知了。

如果家中鬧鬼，或有人告訴你家中有「客」。。想想真係一件好恐怖的事。