X-File3之清潔阿姐廁所遇鬼

都係同一個office啦。同係一隻女鬼啦〔如果office有兩隻，齋想都覺更恐怖！〕。

話說哩〔我發覺語氣似榕樹頭的講故佬，不過屬虎頭蛇尾那種〕，我們的午飯時間正是清潔阿姐大洗廁所的時間。這個阿姐每天洗廁所時，都會將廁所門打開，再用一條地拖棍斜放攔在門口。直到完成哂工作，拖過的地乾透她才「解封」現場。如果有人懵炳上身走入廁所，準要受她發惡鬧囉。所以，好來好去，我們整個office的女性都唔會明知故犯，博鬧囉。

有一日，當她在廁所角落的瓷盆沖洗緊抹布地拖時，廁格3〔請看回早幾日上傳的圖〕突然傳出沖廁的聲音，當她開始發火『攔住都要入來！』，轉頭只見一披著長髮的白影快速由廁格轉出來，由於太快，她只見對方擁一把長髮。阿姐當然仍未諗到係那回事，一心只想追截「呢條友」直斥發洩不滿，當她跑出廁所外，發覺整個走廊空無一人時，她才如夢初醒，面青流汗。。

人的心理真係好奇妙咖！呢位阿姐發覺撞「咩」之後，她第一時間係抹住汗走入office搵「人」頂替這個神秘角色。她氣急敗壞地走進來，震哂口大聲問剛才有沒有長髮女同事入過廁所，我們幾埋圍在一起正咬緊飯的同事當然好清楚無囉。不過她仍不死心，繼續搵個生人「頂」呢個位。我講過，那時的長髮及腰，於是有堆人某幾個指著我問她是不是我。當然，我根本無離開過office，很多人也可作證我係無辜。

大家都明白呢位顫抖得很的阿姐其實明白佢自己係撞見咩囉。雖然office燈火通明，可是看著她的表情，聽著她的描述，剎時間大家都議論紛紛，也感到非常寒氣迫人。

〔唔知點解，女鬼總是長髮。〕

這位撞邪阿姐，記憶中好像病倒了。

我只記得，後來她曾跟我們展示她的一對玉耳環。因為中國人認為玉石有僻邪寧神之效。

她真的怕再遇上。。

的確，我再沒聽過她時運低的奇遇。

X-File3之清潔阿姐廁所遇鬼記完。