《地心探險記》

相隔49年〔是1959年！〕，新版《地心探險記》上映，更有菲林被，3D和4D版供選擇。因為TGC張椅會震，所以朋友一致投票去TGC睇。
睇故唔好駁故，何況故事是幾十年前的舊故事。就如睇戲那天我同友人講，電影中一開始三人跌落「無底洞」時根本應該就被氣壓壓死哂啦！還可對話還可思考還可以嗌真係絕對地要當科幻片睇。哈哈，我朋友就話，那少年揹住手機潛了一輪水仍可使用還可通話簡直匪夷所思囉。
至於成日徘徊於熔岩邊緣都燒唔死熱唔熔，真係做戲咁做。
故事明明改篇，又唔改到合乎基本常識，真係拍畀小朋友睇。係，真係拍畀小朋友睇，因為電影中的角色無解釋或介紹過電影中出現的魚類〔我曾以為大條的是龍王魚〕、氰鳥、菌類、恐龍、肉食性植物、三葉蟲等等的真實名稱及在地球出現的時間。即使是鑽石紅寶等礦物，也只是很行貨地講一下，最好笑係同一個地點有齊各種寶石。
雖然電影中那些都係生物植物，但幾十年來研究發現每類每綱目每種生物植物出現和滅絕的時間也不同啊。相隔幾百萬年或幾滅絕性的冰河時期〔時間係講緊漫長到百萬年〕的生物植物都可以同時隱世於地心，真係好好笑囉。
一,一”
之不過，撇開那些實際問題，電影真係好睇。亦因為要配合3D效果而刻意有一些特別的拍攝角度，也顯得有心思。

關於電影，我同朋友有一個疑竇，朋友認為地底的海係鹹水，我卻認為係淡水。究竟有沒有人想過海水究竟係鹹定淡？

因為電影，我又再拎番起擱了成個月的《海》睇。。看電影，都是一件好事。