Bacha Coffee

知道來自摩洛哥 Marrakech 的咖啡店在香港開店一段日子，這天有些事要到這邊，也順便來喝一杯啦。

Marrakech 有去過，但那時跟鴨仔團，所以無機會去到呢間百年老號的咖啡朝聖。

點了這個叫 Bacha Breakfast Set ，有 toast ，有 brioche ，有 croissant ，有果汁，有咖啡（HK$78係基本咖啡起標，點貴些就要付差價。而事實係這店售七十八元的咖啡種類已多過一間本地茶記的餐點，所以，除非對某款貴價咖啡口味係死忠式堅持，否則日日飲試勻晒七十八元啡都要數個月），有 Chantilly cream 。豐富有價啦！連 charge 一個人要二百五元。

平日，有靠角落的窗邊位，太好了。

這兩個包/酥真的超好味。大滿足。

飲管是玻璃造的。

Jalapeño Chicken Toast 。個包真係好味，餡料都好配。無拍照，忘了餡料名字，有雞肉有青椒有芝士咁，香氣撲鼻。

有時腸胃會對奶油敏感，特別係拌到咖啡中，所以份 Chantilly cream 就沒有加到咖啡中，就咁當甜品分開食。

咖啡叫 Black Moon ，豆是非洲，詳細也沒有拍照做記錄，單純因為整本餐牌過百款咖啡中只有兩款左右名字上有月球，再比對一下自己會偏向那一個味道而揀。哈哈。杯啡超滑好醇，無我怕的酸味，無揀錯啡。呵呵呵。

☕