手帳。0719。Snooper

去一間茶記，遇上極度八卦的樓面！見到我哄住電話看字，竟然一邊問我是否在睇書又問睇咩書就自把哄埋個頭來望我電話屏幕看我在睇什麼書！極度無禮貌。之後又自擂，話自己以前都有睇書買好多書，不過土地問題丟棄了。

因為佢恃熟的行為，我好想嗆「無興趣想知你的往事」。

而且，從觀察一個愛撩熟客寒暄的操作，都睇到當中一二。

因為不止一次目睹呢個樓面以不太友善態度對待生客，更覺要保護自己。最近一次係兩個阿叔坐好望餐牌睇午餐有乜但睇錯日子，在檯邊等候負責落單嘅佢晦氣咁話個客睇錯日子，今日係……號呀。附近檯的我聽到都抬頭望過去睇呢個樓面又乜料。兩位對答正常的阿叔話樓面晦氣無禮貌，佢仲自辯自己唔係無禮貌只係大聲。

對熟客的話，又是另一嘴臉，會企埋個客檯邊R話題。

咁呀，我寧願做生客囉。