手帳。0709。話不投機莫糾纏

已經忘了那日對住隻牛講乜，應該係關 MBTI 事，才會見到最新係六十四型。唔啦，糾纏落去，stubborn 的，「落去」的，變成自己。何必。留啖氣暖自己三丹田咪重好。

昇華自己未必做到，但「穩」返自己的自己，係必需！

無謂執意去做明明會消耗自己的傻事。

由佢用佢覺得醒的方法去行。

工作室附近有個租客係辦商舖地產代理，有一個下屬。講話好響，又刻意表現自己見識廣資歷夠，所以若他不用出街，即使關上門都聽到佢同佢下屬講的種種偉論。這代理幾年前疫末仍未開關已遷入，那時已大大聲話期待通返關就人流暢旺交投活躍舖位升值點點點點點，總言鴻圖大業。之後至今，呻天呻地，老舖撐不住，街有大量舖位卻無人承租，睇舖的又嫌三嫌四，業主又有業主企硬的立場，🐟🦐🦀出齊。

……最陰公係，佢耐不耐又緬懷返以前阿邊個邊個的炒舖風光，如何炒舖，如何買舖。

每次聽到一番離地的「戰績」呀「當年呀……」，我都覺得人「塞了」確是很唏噓。