二人聚會

起身之後一直無見，阿端一直在忙家事，加上孩子又開學，見佢放過女兒生病了的圖，之後都無再有什麼更新，加上有另一位話路過部門幾次都唔見人，所以拖到九月才見面，都隔了一個月多了。佢話家族幾個轉住「中」，所以都幾乎係 WFH。新工人姐姐開始返工，所以佢都可以多回公司工作。無事就好。

簡略咁交換一下近況。好多事情發生了可因為佢不在公司都唔清楚來龍去脈，連有什麼人幹過什麼事都無聽聞，所以佢顯得好訝異。

我就表示，自己都離開了，就不必關心誰孭上什麼人的 tasks 。阿端話我的日常工作就幾個人攤分，佢都有份硬食囉。

感恩自己對得住自己份工，所有 procurement 的文件和記錄全清清楚楚明明白白放哂上 share drive 。而且，長期習慣係把上頭點頭叫我 proceed order / payment / statement 的電郵，統統轉做 pdf 放上 share drive 做 supporting 。乾乾淨淨之餘，都係我一直保障自己不會被推去陷阱的機制。寧願自己做多點。尤其係 share file 。
因為試過有個同組「長期天一半」的人，「做完」佢負責的第一 Part，交到我接力，明明按住佢個 spreadsheet 上的數 raise invoices ，可是之後突然被指幾張 draft bills 都錯銀碼，叫我逐一更正返正確的數字，還 cc 埋同組上司。咦？於是我摷返張 spreadsheet 的 printout 和 excel 的 spreadsheet 來對數，見幾張單的銀碼都修改過。於是我攤出張 printout 對上司表示，幾項資料被改動過，我當日收到個記錄不是現在在 share drive 上顯示的。有人改動了。件事最後被上司大事化小不了了之咁解決了，是護短定想安寧，我無法得知，不過這種不清不楚只拖累別人的同事，真係一個都嫌多。可是我以前返工的部門，真的勁多。日日防呢個那個，真心累。

同阿端工作上係要協作，而大家都對得住份糧，對很住其他同事，所以一直跟阿端都好傾又投緣。

下次再見啦。阿端話我無工作，所以呢餐佢做東。多謝哂。