茶餐廳

自從朋友講過出街飯都會嗌自己喜歡的小菜其實都算係偏食之後，每次在食肆望住餐牌都好認真咁揀。不過，戒了牛肉，又不吃原條上的熟魚，又非常抗拒鱔，蛇，田雞，乳鴿，乳豬……結果好多時都係嗌返自己喜歡的菜色。覺得咁才對得住自己荷包。

基於我多數三至五才落茶記匆匆吃一頓，素食店呢個時間落場，否則我都想吃得清淨多點。BTW，自從日日好穩定地搵飯食，又無工作上的社交壓力，其實這陣子腸胃比返工時踏實好多。之前在職場，常常腹痛，要吃益生菌補身。

總之呢排，確實日日入茶記。一來要飲爆檸，二來每間店每日午餐晚餐都揀到想吃的。例如……

豐盛的鹵水午餐。

胡椒豬肚雞湯飯。感覺輕手了，胡椒再多些更提神醒胃。

西洋菜排骨雞腳豬肺燉湯。留意到每月餐牌邊幾日出呢個燉湯，決定要來吃。勁滿足。

燒味四寶，呢次無燒肉，來的是叉燒。

豉椒炒豬頸肉飯……嘿嘿，呢個係下午茶餐。