同祖先登記中元法會

負責阿媽辦殯儀事宜的 Agent 通知，每年中元節都會為 「clients 」辦中元法會，兩天的法會有佛弟子頌經，也安排道教儀式，費用（牌位及衣包）價錢合理，加衣包就另計，隨緣登記。因為以往都無燒街衣，刻下有人代辦，遂爽快登記方便安排，額外添多幾個衣包預埋祖先。

作為家屬，點都要去上香兼通知（嗌聲）先人訂了個位畀佢來聽經。所以都備小量祭品帶去曲街那邊。考慮到有佛弟子頌經，肉味太勁不太妥當，所以兩日買過去的都是素食。第一日係齋舖的糕點，第二天就買多士和奶茶。

因為牌位放滿一間長生店，陸續有其他先人子孫來，所以我家幾個上了香，待了一陣就撤退。

衣包是長生店摺的，我訂了五個。

講多樣，侄仔一星期前有晚在屋企外見到嫲嫲飛過。佢好確實那個係嫲嫲。幾歲人仔，完全唔驚。比大人更淡定。

家族祖先不知係咪做過跟法科或修過什麼，阿婆，阿媽，我，我妹，我細佬，我侄仔唔多唔少都有「體質」。所以之前做節大家一埋檯總係講飄飄。

不可思議的事，信不信由你啦。