中元法會。二。

七月十五那天早上灑個大雨，無風，總之又濕又熱，但都要去九龍塘拜祭祖先。睇吓登記的三個超薦位位置，上香，跟先人講聲已留了位定必要來聽頌經和法事。

對於唔識亦不懂燒街衣規矩和程序，上堂學過疊寶但忘了100％的後輩，即係我。這些法會真的太方便後人喇。

🙏

唔係我孤寒，三個位才得四個衣包。只係呢度規定既不可帶出面買的衣包入場焚，即使登記薦位也只配額量。所以前兩日才會在曲街那邊（長生店）燒多幾袋衣包。放心，衣包上有寫字，我上圖前遮一遮啦。

圖中三包係祖先衣包，一包係女用衣包，只係在上面打個印標示「祖」「女」識別，其實係畀工作人員識別派發囉。因為祖先衣包頂沒釘上祖先衣紙。

也挺慳皮的。

然之後，化寶，明明要先化祖先衣，可是員工一嘢把四袋衣包全部甩進化寶爐內……

我：……

我理解幾千個薦位以千計的衣包要焚真的無法顧及祖先衣和男女衣的焚燒次序，可是，我還是覺得整個過程挺潦草的。

真係各處鄉村各處例。

By the way ，我唔介意祖先們報個夢講我知收到連日寄出的物資囉。